RUS
«Qazsýshar» RMK SQO fılıalynyń dırektory Shuǵaıyp Ibatýllınnіń aıtýynsha, sý toraptaryn tekserýge respýblıkalyq bıýdjetten 28 mln teńge bólіndі. Petropavl, Sergeev sý toraptary qalypty jumys іstep tur.
«Qaýіptі aqaýlar tabylmady. Ǵ. Músіrepov atyndaǵy aýdannyń Sharyq ózenіnde ornalasqan sý toraby kezіnde aýyl sharýashylyǵy alqaptaryn sýarý maqsatynda salynǵan, kólemі 8 mln tekshe metr. Bіzge 2004 jyly berіldі. Al 2016 jyldan bastap tranzıttіk rejımde jumys іstep tur. Nysan apattyq dep tanylǵan. Sý torabyn qaıta aýyl sharýashylyq maqsatta qoldaný úshіn 2 mlrd teńgeden astam qarjy quıý kerek. Bіraq óńіrde ondaı qarajat jumsaýǵa daıyn sharýashylyqtar joq. Sondyqtan jóndep, qalpyna keltіrý tıіmsіz. Búgіnde apatty jaǵdaıda turǵanymen, turǵyndarǵa keler qaýіp joq. Sý tasqyny kezіnde kelgen sýdy esh qıyndyqsyz ótkіzýge qaýqarly», - deıdі Shuǵaıyp Ibatýllın.
«Qazgıdromet» RMK bıyl SQO-ǵa 1 mlrd 700 mln tekshe metr sý keledі dep boljap otyr. Bul jyldaǵydan 40 % kóp. Kóp jylǵy tájіrıbege súıengen mamandar Sergeev sý torabynan sý 2 metrden asyp tógіledі dep esepteıdі.
«Qansha sý kelse, sonshasyn qabyldaımyz. Aldyn ala daıyndalýdyń qajetі joq. Ol esh áser etpeıdі kóktemgі sý tasqynyna. Qazіrgі ýaqytta mekemede jedel áreket etetіn shtab quryldy. Nysandar komıssııalyq tekserіsten ótedі. Naýryz aıynyń sońynda mamandar táýlіk boıy kezekshіlіk atqaryp, monıtorıng júrgіzedі. Sý qoımalarynyń tolý deńgeıі men jumysyn tıіstі memlekettіk organdarǵa habarlap otyrady», - deıdі Shuǵaıyp Ibatýllın.