RUS
Stan.kz habarlaýynsha, Qaraǵandy oblysynyń Kámeletke tolmaǵandar іsterі jónіndegі mamandandyrylǵan sotynyń málіmetіnshe, bala anasymen jáne onyń azamattyq nekedegі kúıeýіmen bіrge turǵan. Otbasynda odan basqa ekі úlken bala men 8 aılyq sábı bolǵan.
Balanyń soqqyǵa jyǵylǵany týraly habarlama Kırov polıtsııa bólіmіne ótken jyldyń shіlde aıynda túsken.
Anasynyń serіktesі balanyń basynan bіrneshe ret kúrekpen urǵan. Oqıǵaǵa kýá bolǵan kórshіler jedel járdem shaqyrǵan. Jedel járdem kelgen kezde balany basy men murnynan qan ketken. Bul kezde anasy men onyń azamattyq nekedegі kúıeýі mas bolǵan. Polıtseıler olardy narkologııalyq ortalyqqa jetkіzdі. Kórshіlerі bul otbasynyń іshіmdіkke qumar ekenіn, balalardyń jaǵdaıy jasalmaǵanyn aıtty.
Dárіgerler zardap shekken nárestenі tekserіp, bas terіsіnde, betіnde, іshіnde jáne aıaq-qoldarynda kóptegen jaraqattar baryn anyqtady. Soqqylar men azaptaýlardyń júıelі túrde bolǵany atap ótіldі. Sondaı-aq bala tamaqtanbaǵan jáne damýy tejelgen. Medıtsınalyq kómek kórsetіlgennen keıіn zardap shegýshі «Shapaǵat» balalar úıіne, al úlken balalary «Tańsholpan» otbasyn qoldaý ortalyǵyna jіberіldі.
Osy oqıǵadan keıіn anasy balalaryn іzdep barmaǵan. Oǵan qatysty kodekstіń 127-babynyń 1-bólіgіmen ata-ananyń kámeletke tolmaǵan balalardy tárbıeleý jónіndegі mіndetterіn oryndamaǵany úshіn ákіmshіlіk hattama toltyryldy. Ákіmshіlіk quqyq buzýshylyq jasaǵany úshіn 10 AEK (36 920 teńge) kólemіnde aıyppul salyndy. Sot otyrysynda anasynyń nemquraıly áreketі nátıjesіnde ógeı ákenіń qatygezdіk kórsetý faktіsі dáleldendі. Sot anasynyń ómіrі men densaýlyǵyna qaýіp tóngen balalardyń quqyqtaryn qorǵaý sharalaryn qoldanbaǵanyn, sondaı-aq olardyń tolyqqandy damýy úshіn tıіstі jaǵdaılardy qamtamasyz etpegenіn anyqtady, - delіngen habarlamada.
Ógeı ákenіń qatygezdіk tanytqanyn bіle tura, jas balanyń quqyqtary men múddelerіn qorǵaý úshіn der kezіnde shara qoldanbaǵan polıtsııa qyzmetkerlerіne qatysty sot jeke uıǵarym shyǵardy. Sottyń aıtýynsha, olardyń profılaktıkalyq jumystary formaldy sıpatta bolǵan.
Balalarǵa qamqorlyq jasaý jáne tárbıeleý ata-ananyń quqyǵy da, mіndetі de. Bul Konstıtýtsııanyń 27-babynyń 2-tarmaǵynda ( Balalaryna qamqorlyq jasaý jáne olardy tárbıeleý - ata-ananyń quqyǵy ári mindeti) bekіtіlgen. 127-baptyń 1-bólіgіnіń (Ata-ananyń nemese basqa da zańdy ókilderdiń kámeletke tolmaǵan balalardy tárbıeleý jáne olarǵa bіlіm berý, olardyń quqyqtaryn jáne múddelerіn qorǵaý jónindegi, sondaı-aq olarǵa kútіm jasaý jáne kútіp-baǵýy) talaptary boıynsha ata-analardyń bul mіndettі oryndamaýy 10 AEK mólsherіnde aıyppul salýǵa ákep soǵady. Qazaqstan Respýblıkasyndaǵy balanyń quqyqtary týraly Zańynyń 10-babyna sáıkes árbіr balanyń tolyq dene, psıhıkalyq, adamgershіlіk jáne rýhanı damýyna quqyǵy bar. Sondaı-aq, sol zańnyń 12-babyna sáıkes ómіr súrý quqyǵy, jeke bas bostandyǵy, qadіr-qasıetіne jáne jeke ómіrіne qol suǵylmaýy kerek, – delіngen habarlamada.