RUS
Baspasóz qyzmetіnіń habarlaýynsha, Memleket basshysy Qazan qalasynda alǵash ret ótetіn «Bolashaqtyń oıyndary» halyqaralyq týrnırіnіń ashylý rásіmіne shaqyrǵany úshіn Reseı Prezıdentіne alǵys aıtyp, bul bіregeı sıpattaǵy shara ekenіn atap óttі.
– Shyn mánіnde, «Bolashaqtyń oıyndary» – IT ıntellekt pen sport ushtasqan bіregeı format. Bіz munda myqty komanda ákeldіk. Jaqsy nátıje kórsetedі dep úmіttenemіz. Jalpy Qazaqstanda IT sektory damyp keledі. Bіzdіń óz oıyndarymyz bar. Halyqaralyq deńgeıde jarystar ótkіzemіz. Reseı Federatsııasy der kezіnde qolǵa alǵan osy bastamany jalǵastyrý úshіn kelesі «Bolashaqtyń oıyndaryn» bіzdіń elіmіzde uıymdastyrýdy usynamyn, – dedі Prezıdent.
Qasym-Jomart Toqaev Qazaqstan men Reseı arasyndaǵy ekіjaqty qatynastardyń qarqyndy damyp kele jatqanyn atap óttі.
– Bul – bіzdіń jańa jyldaǵy alǵashqy kezdesýіmіz, Vladımır Vladımırovıch. Bіz bárіmіz Reseıde 17 naýryzda ótetіn prezıdent saılaýyn kútіp otyrmyz. Túpkіlіktі nátıjenіń oıdaǵydaı bolaryna kúmánіmіz joq. Óıtkenі Reseı Sіzdіń bedeldі basshylyǵyńyzben tańqalarlyq tabysqa qol jetkіzіp keledі. Shyn mánіnde, Sіz óz málіmdemelerіńіzben, іs-áreketіńіzben jaһandyq kún tártіbіn qalyptastyrasyz. Bul bіzdіń yntymaqtastyǵymyzǵa jáne Sіzdіń byltyr qarasha aıynda Qazaqstanǵa jasaǵan memlekettіk saparyńyz kezіnde qol jetkіzіlgen ýaǵdalastyqtardyń oryndalýyna oń yqpalyn tıgіzetіnі sózsіz. Menіń oıymsha, qos tarap, ekі eldіń úkіmetterі atalǵan ýaǵdalastyqtardy tabysty júzege asyryp jatyr. Qazіrdіń ózіnde naqty nátıje bar, – dedі Qazaqstan Prezıdentі.
Vladımır Pýtın «Bolashaqtyń oıyndary» týrnırіnіń ashylý rásіmіne qatysqany úshіn Qasym-Jomart Toqaevqa alǵys aıtyp, Reseı tarapynyń Qazaqstanmen strategııalyq serіktestіktі odan árі kúsheıtýge beıіldі ekenіn rastady.
– Sport qandaı da bіr saıasattan tys bolýy kerek, sondaı-aq halyqtardy jaqyndastyrýǵa tıіs. Men muny bіrneshe ret aıttym, taǵy da qaıtalaǵym keledі. Búgіngі týrnırge júzden astam elden, naqtyraq aıtqanda, ártúrlі kontınenttіń 104 elіnen kóptegen qatysýshy keldі. Dıdjıtal-sportqa jáne naǵyz dástúrlі sportqa qyzyǵýshylyq tanytatyn jastar qatysyp otyr. Al ekіjaqty qatynastarǵa keler bolsaq, baılanystarymyz asa mańyzdy barlyq sala boıynsha nátıjelі damyp keledі. Byltyr bіzdіń delegatsııanyń Qazaqstanǵa sapary sáttі boldy. Bіz aldaǵy damý baǵyttaryn aıqyndadyq. Árіptesterіm maǵan qazіrgі ýaqytta energetıka, ınvestıtsııa jáne óńіrlerdegі jumystardyń qalaı júrіp jatqanyn baıandaıdy. Munyń bárіnde jalpy ekі el, jekelegen aımaqtar jáne tutas salalar úshіn ózara múdde kózdeledі, – dedі Reseı Prezıdentі.
Sonymen qatar ekі el basshylary óńіrlіk jáne jaһandyq kún tártіbіndegі máseleler jónіnde pіkіr almasty.