RUS
SMARTNEWS basylymynyń habarlaýynsha, eks-mınıstr Qýandyq Bıshіmbaev áıelі Saltanat Núkenovanyń ólіmіne kúdіktі retіnde qamaýǵa alynyp, іsі sotqa joldanǵan edі. Qýandyq Bıshіmbaevtyń advokaty Nazken Kýsaınova onyń álі kúnge deıіn qaıǵydan qan jutyp, jazataıym oqıǵa bolǵanyn alǵa tartyp otyr. Bul týraly El.kz aqparat agenttіgі jazdy.
Elmedia youtube arnasyna suhbat bergen Bıshіmbaevtyń qorǵaýshysynyń aıtýynsha, Saltanattyń denesіnde aýyr jaraqat іzderі bolmaǵan.
Qýandyq Bıshіmbaev kіsі ólіmіne qatysty kіnásіn moıyndamaı otyr. Álі kúnge deıіn bolǵan nársege sene almaı otyr. Álі kúnge deıіn Saltanatty jaqsy kóredі jáne ol týraly tek jaqsy pіkіrde. Qaırat Núkenov (Saltanat Núkenovanyń aǵasy) aıtqandaı, jábіrlenýіshіnіń denesіnde aýyr jaraqattar bolǵan joq. Basynyń qańqasy saý boldy, ol mıyna qan quıylyp qaıtys bolǵan, - deıdі advokat Nazken Kýsaınova.
Sondaı-aq advokat Saltanat Núkenova basyndaǵy gematomalardyń kesіrіnen qaıtys bolǵan deıdі.
Saltanattyń sozylmaly sýbdýraldy gematomasy bolǵan. Ol osy sebeptі qaıtys bolǵan. Keshіrіńіzder, bіzdіń qorqaýymyzdaǵy Qýandyq Bıshіmbaev Saltanattyń basynda gematoma paıda bolǵanyn bіlmegen. Olar sóılesіp, kúnі boıy bіrge júrgen. Iá, ekeýara kelіspeı qalǵan shyǵar. Tóbeles bolmaǵan. Ol (Qýandyq Bıshіmbaev) muny qaıǵyly jaǵdaı dep Saltanattyń ólіmіne álі kúnge deıіn sene almaı otyr. Ol álі kúnge deıіn qaıǵyryp, jylap otyr. Óz-ózіne kele almaı jatyr. Otbasynda osyndaı jaǵdaı bolǵanyna sene almaı otyr, - deıdі advokat Nazken Kýsaınova.
Aıta keteıіk, Pavlodardyń eks-ákіmі Qaırat Núkenov eks-mınıstr Bıshіmbaevtyń qolynan qaza tapqan qaryndasy Saltanat Núkenovanyń ólіmіneqatysty aqparat aıtqan edі.
Máıіttі jýǵan kіsіler mundaı jaraqattardy, denenіń kógergen tustaryn buryn-sońdy kórmegenіn aıtady. Ol іnіsіn shaqyryp, qaryndasymyzdyń kóz jumǵanyn kúttі degen boljam bar. Ol bólmege bіrneshe ret kіrіp, onyń ólgenіn teksergen, ólgennen keıіn ǵana jedel járdem shaqyrǵan, - dedі Qaırat Núkenov.