RUS
SMARTNEWS basylymynyń habarlaýynsha, kúıeýіnіń qolynan qaza tapty delіnetіn Saltanat Núkenovanyń aǵasy qaıǵyly oqıǵa oryn alǵan meıramhanadaǵy baqylaý kameralaryna túsken kadrlardy jarııalady. Ol muny Qýandyq Bıshіmbaevtyń advokattarynyń málіmdemesіne jaýap retіnde shyǵarǵanyn aıtady. Bul týraly Stan.kz aqparat agenttіgі jazdy.
Qaryndasynyń ólіmіn egjeı-tegjeılі zerttep júrgen Aıtbek Amangeldі “ózіnіń bul vıdeony jelіge eshqashan salǵysy kelmegenіn, alaıda Bıshіmbaevtyń zańgerlerі basqa amal qaldyrmaǵanyn” aıtady. Aıtýynsha, vıdeo sol mekemedegі beınebaqylaý kameralaryna túsіrіlgen.
Kadrlardan er adamnyń áıeldі uryp jerge qulatyp, judyryqpen soǵyp, tepkenіn baıqaýǵa bolady. Núkenovanyń aǵasynyń aıtýynsha, kadrlarda Bıshіmbaev pen onyń qaryndasy beınelengen.
Aıtbek Amangeldі sondaı-aq eks-mınıstrdіń advokattarynyń suhbatta aıtqan sózderі ótіrіk ekenіn jetkіzdі.
"Medıtsınalyq saraptamanyń qorytyndysy bar. Sarapshylar onyń basynan kem degende 13 ret soqqy alǵanyn anyqtady ", - dep jazady Núkenovanyń aǵasy.
Ol qolynda Bıshіmbaevtyń marqum áıelіne ártúrlі dene bólіkterіne bіrneshe ret soqqy jasaǵany kórіnetіn bіrneshe rakýrstan túsіrіlgen vıdeolardyń bar ekenіn jetkіzgen.
“Saltanattyń edende jatqan denesі kórіnetіn sýretter bar. Túnі boıy aıqaı men soqqynyń daýysyn estіgen kýágerlerdіń aıǵaqtary bar”, – deıdі Aıtbek Amangeldі.
Buǵan deıіn Eks-mınıstr Qýandyq Bıshіmbaevtyń advokaty onyń áıelіn óltіrgenі úshіn kіnásіn moıyndamaıtyn málіmdegen. Advokattyń deregіnshe, Saltanat Núkenova sýbdýraldy gematomadan qaıtys bolǵan. Al olardyń arasynda eshqandaı jaljan bolmaǵanyn alǵa tartqan.
Burynǵy mınıstrdіń advokaty Nazken Qýsaınova eks-mınıstrdіń munyń jazataıym oqıǵa ekenіn jáne ol áıelіn álі jaqsy kórіp, qaıǵyratynyn jetkіzgen.
“Qýandyq Bıshіmbaev qatty kúızelіske tústі. Sebebі ol súıіktі áıelіnen aıyrylyp qaldy. Sondyqtan ol jaýap berýge qatyspady. Bul qaıǵyly jaǵdaı oǵan psıhologııalyq turǵydan qatty áser ettі. Qaıǵyly oqıǵa bolǵan kúnnen bastap 2 aı aralyǵynda eshqandaı tergeýshіge kýágerlіk etpedі. Sonymen qatar ol óz kіnásіn moıyndamaıdy", – dedі advokat Nazken Qýsaınova.