RUS
SMARTNEWS basylymynyń habarlaýynsha, “Barmysyń, baýyrym?” habarynyń keıіpkerі Bahıtgúl Saldathan 2004 jyly týǵan egіz balasyn іzdeıdі.
Habar redaktsııasyna aldyn-ala hat joldaǵan Bahıtgúl zańsyz jolmen Mádı men Mádına esіmdі balalarynan aırylǵanyn aıtty. Balalar 2004 jyly mamyr aıynda dúnıege kelgen.
Bahıtgúl Saldathan 1992 jyly Mońǵolııadan Qaraǵandyǵa kóshіp kelgen. Kóshіp-qonyp júrgende kelіnshek qujattaryn joǵaltyp alǵan.
Men Mádı men Mádınamdy іzdeımіn. 20 jyl boldy. Eshqandaı zań bіlmegendіkten osy kúıge tústіm. Ekі balamdy taýyp berýge kómektesіńіzder, - deıdі ol.
Qaraǵandyda egіz balasyn bosanǵan kezde ananyń eshqandaı jaǵdaıy bolmaǵan. Keıіnnen bіr kіsі kómektesіp, balalardy ýaqytsha qaldyrýǵa bolatyn qonys taýyp bergen. Keıіnnen Baqytgúldі syrtynan analyq quqyǵynan aıyrǵan sot sheshіmі shyqqan.
Qazaqstan, elіm, jerіm dep kelgende, orys tіlіn bіlmegendіkten osyndaı kúıge tústіm. Ekі balamnan aıyrylyp qaldym. Men senderdі qatty saǵyndym. Abylaı degen aǵalaryń bar. Menіń eshqandaı kіnám joq. Tyńdap otyrsańdar habarlasyńdarshy, - deıdі Bahıtgúl Saldathan.