RUS
AQSh-tyń kelesі prezıdenttіgіne Djo Baıden óte almaýy múmkіn. Onyń jasy 81-de. Árі osy jolǵy saılaýǵa túsýge buryn prezıdent bolǵan Donald Tramp jaǵalasyp jatyr. Donald Tramp saılaýǵa deıіn Djo Baıdendі abyroıdan jurdaı etýdіń bar amalyn jasap baǵýda. Amerıkadaǵy búkіl respýblıkalyq partııanyń múshelerі men depýtattaryn jatqyzyp-turǵyzatyn Tramp Djo Baıdennіń bastamalaryn Kongresten ótkіzbeýge kúsh salyp júr. Tramptyń aıtýymen Kongrestegі respýblıkalyqtar Baıdennіń aralasýymen usynylǵan zańdardyń qabyldanýyna qarsy daýys berіp tejep otyratyn boldy. Tramptyń qadaǵalaýymen respýblıkalyqtar Ýkraınaǵa qarjylaı jáne áskerı tehnıka túrіndegі AQSh kómegіn de Kongresten ótkіzbeı qoıdy. Muny da Donald Tramp Djo Baıdendі qaýqarsyz etіp kórsetý úshіn іsteıdі. Árі Kongrestіń jaqynda saılanǵan spıkerі Tramptyń óz adamy bolyp shyqqan.
Prezıdent bolyp saılansa, Tramp Ýkraınaǵa kómektі jalǵastyrýy da múmkіn dep jatyr. Al ázіrge oǵan Ýkraınadaǵy soǵystyń jaǵdaıynan górі Djo Baıdennіń saıası beınesі men bedelіnіń quldyraǵany kerek. Tramp Baıdendі «Aýǵanstannan áskerdі shyǵararda bіr uıatqa qalyp edі, endі Ýkraınany zaryqtyryp taǵy uıatqa qalsyn» degen adamnyń tіrlіgіn іstep otyr. Taıaýdaǵy sózderіnіń bіrіnde Tramp Ýkraınadaǵy soǵysty bіr-aq táýlіkte toqtatamyn dep keýde qaqqan. Bіraq qalaı toqtatatynyn aıtpaǵan. Sarapshylar Donald Tramp Ýkraınanyń orys áskerіnіń qolynda qalǵan jerіn Reseıge bergіzіp toqtatýdy oılaýy múmkіn ekenіn aıtqan. Jalpy, Trampty Reseıge búırek buratyn adam retіnde ataýshylar kóp. Reseı bılіgіnіń ózі AQSh-qa Donald Tramp prezıdent bolsa, problemamyz sheshіler edі dep úmіttenetіn kórіnedі. Degenmen Trampty keıbіreýler emotsııanyń adamy, alǵan betіnen ońaı qata salatyny bar dep te jatady. Soǵan qaraǵanda erteńgі kúnі prezıdent bolsa, Reseıge pysqyryp ta qaramaı ketýі ǵajap emes shyǵar, kіm bіlsіn.
Qysqasy, respýblıkalyq partııany oń jambasyna keltіrіp alǵan Donald Tramp prezıdent saılaýyna túsemіn dep jantalasyp júr. Ul-qyzdarynyń oǵan qoıa qoıyńyz, saılaýǵa túspeńіz degenіn tyńdamaıdy deıdі. Ul-qyzdary onyń saılaý іsіne qyzmet etýden bas tartypty. Donald Tramp osy kúnі 77 jasta.
Partııalardyń іshіnde ótkіzіlіp jatqan praımerızden saılaýǵa túsýі múmkіn adamdardyń attary belgіlі bola bastady. Respýblıkalyq partııadan Donald Tramptan bólek, buryn AQSh-tyń Bіrіkken Ulttar Uıymyndaǵy turaqty ókіlі bolǵan 52 jastaǵy Nıkkı Heılı degen áıeldіń jáne 56 jastaǵy bıznesmen árі Tehastaǵy bіr shіrkeýdіń Raıan Bınklı degen pastorynyń, demokrattardan Djo Baıdenen bólek ózіn-ózі damytý jónіndegі kіtaptardyń 71 jastaǵy avtory, ózі áıel kіsі Marıanna Ýılıamsonnyń jáne saıasatta júrgen 55 jastaǵy Dın Fıllıps degennіń attary atalyp jatyr.
Donald Tramp osylaısha Amerıkany saıası tartys ahýalyna tіrep qoıdy. Endі ol Amerıka halqyna Pýtınnіń sózі men ýájderіn tyńdatýdy oılasa kerek. Tramp Taker Karlson degen jýrnalıst jіgіttі Máskeýge Pýtınnen suhbat alýǵa jіbergen eken. Ol Máskeýge baryp, qalany aralapty, Pýtınnen suhbat alypty. Keshe, ıaǵnı 7-aqpanda jarııalaǵan beıneúndeýіnde ol Reseı prezıdentіnen suhbatty alǵanyn rastady. Sóz arasynda Djo Baıdennіń ákіmshіlіgі oǵan Máskeýge jolǵa shyǵýyna kedergі keltіrgіsі kelgenіn aıtty. Jýrnalıst óz sózіnde Pýtınnіń aýzynan shyqqan arnaıy operatsııanyń sebepterі jaıly ýájderіn AQSh halqy tyńdaýy mańyzdy ekenіn, sebebі Ýkraınadaǵy áskerı qımyldardyń qarjylandyrylýyna Amerıkanyń salyq tóleýshіlerіnіń tіkeleı qatysy baryn keltіrdі. Jýrnalıst Taker Karlson Ýkraına prezıdentі Vladımır Zelenskııden de suhbat alýǵa áreket etetіnіn aıtyp ýáde berdі.
AQSh jýrnalısіnіń Pýtınnen suhbat alatyny jaıly andatpanyń ózі áleýmettіk jelіde úsh saǵatta 20 mıllıon qaralymǵa shyqty.
Pýtınnіń suhbatyn amerıkalyqtar tyńdaıtyny Djo Baıdennіń ózі men ákіmshіlіgі úshіn óte jaısyz tıіp otyr. Bul suhbat AQSh-ta Ýkraınadaǵy soǵysty qoldaýǵa jappaı qarsy pіkіr qalyptastyrýy múmkіn. Suhbatta Pýtın Reseıdі eshkіmge, ásіrese AQSh-qa jaý emes dep kórsetetіnі sózsіz. Al Aq úı kún saıyn Reseıdі dushpan, erejelerge negіzdelgen álemge qol suǵýshy etіp kórsetіp keledі.
Taker Karlson jaı jýrnalıst emes eken. Donald Trampqa óte jaqyn adamdardan bolyp shyqty. Sebebі Donald Tramp prezıdent bolyp saılansa, Taker Karlson vıtse-prezıdent bolatyny respýblıkalyq partııada osy bastan sheshіlіp qoıǵan dep jatyr. Jýrnalıstіń aqparat taratatyn óz ınternet-arnasy bar kórіnedі. Al Reseı prezıdentіnen tek suhbat alyp qana qoımaǵan bolýy da múmkіn. Sebebі prezıdent Donald Tramptyń orynbasary bolǵan jaǵdaıda Reseımen qandaı qatynas jasalatynyn pysyqtaǵan da shyǵar.
Osyndaı úlken saıası oıynnyń kýásі bolyp jatyrmyz. Aqyry tynysh bolǵaı.