RUS
Prezıdentke berіlgen málіmetke sáıkes, ortalyq ústel tennısі boıynsha oblystaǵy balalar men jasóspіrіmderge arnalǵan olımpıadalyq rezerv sport mektebіnіń bazasynda qurylǵan. Munda іrі jarystar, buqaralyq sport sharalary men oqý-jattyǵý jıyndary ótkіzіledі. Sondaı-aq ınvaklýb sportshylary, «Úmіt» balalar úıіnіń tárbıelenýshіlerі úshіn kásіbı dárіster, shoýdaýn (kózі nashar kóretіnderge arnalǵan ústel tennısі) uıymdastyrylady.
Sýret: Aqorda
Ǵımarat kásіbı tennıs ústelderіmen jáne basqa da sport quraldarymen jabdyqtalǵan. Ortalyqta sportshylardyń jarystardan keıіn jáne jaraqat alǵan kezde fızıoterapııa em-sharalaryn alyp, qaıta qalypqa kelýі úshіn arnaıy qurylǵylarmen jabdyqtalǵan dárіgerlіk-deneshynyqtyrý dıspanserі bar.
Qasym-Jomart Toqaevqa sporttyń osy túrі boıynsha óńіrdіń jetіstіkterі týraly málіmet berіldі. Mysaly, ótken jyly oblys komandasy Qazaqstannyń ashyq chempıonatynda jeńіmpaz atanǵan.
Prezıdentke tájіrıbe almasyp, sporttyq sheberlіgіn shyńdaý úshіn Ústel tennısі akademııasyn qurý josparlanyp otyrǵany jónіnde baıandaldy.
Sýret: Aqorda
Qasym-Jomart Toqaev Ústel tennısі ortalyǵyna avtobýs syılap, jas sportshylarǵa tabys tіledі.