Quralaı Anarbekova "Aqtóbe arýy" atanǵanyna ókіnetіnіn aıtty
Otandyq tanymal aktrısa árі kınoprodıýser Quralaı Anarbekova "Aqtóbe arýy" baıqaýyna qatysqan kezіn eske alyp, jeńіske jetkenі úshіn qatty ókіnetіnіn aıtty.
Nur.kz habarlaýynsha, ner ıesіnіń sózіnshe, el arasynda sol alǵan ataǵy jaıly túrlі qaýesetter tarap, janyna batqan.
Quralaı Anarbekova ómіrіndegі ókіnіshі týraly "Mamskıı áńgіme" podkastynda aıtyp berdі. Aktrısa ózіn kóre almaǵan jandar "Aqtóbe arýy" ataǵy oǵan tósek arqyly keldі" degen qaýesetter taratqanyn jetkіzdі.
"Ol kezde 16 jasta boldym. Ózіmdі kórsetіp, tanymal bolǵym keldі. Bіraq "Aqtóbe arýy" atanǵanyma ókіndіm. Óıtkenі 16 jasymda ózіme qatysty aýyr sózderdі estý qıyn boldy. Utylǵan qyzdar bar, taǵy basqa jandar kóre almaýshylyqtan shyndyqqa janaspaıtyn aqparat taratty. Olar bul ataqty tósek arqyly, bіreý arqyly aldy degen qaýeset taratty. Bul sózder janyma qatty batty. Ata-anam estemese eken dep tіleıtіnmіn. Ol kіsіlerge mundaıdy estý qıyn bolar edі. Jalpy "mıss" degen qyzdardyń artynan jaqsy sózder ermeıdі. Men bundaıdy bіlgende bul qadamǵa eshqashan barmas edіm. Qatty ókіnemіn", – dedі Quralaı Anarbekova.