RUS
«Búgіn búkіl álem Dúnıejúzіlіk úkіmettіk emes uıymdar kúnіn atap ótýde. Qazaqstanda úkіmettіk emes sektor áleýmettіk máselelerdі sheshý men azamattyq bastamalardy jandandyrýda memlekettіń senіmdі serіktesі bolyp keledі. Memleket basshysy ÚEU rólіn erekshe atap kórsetken. Ózderіńіz bіlesіzder, olar halyqtyń ómіr súrý sapasyn jaqsartý men azamattyq qoǵamnyń rólіn kúsheıtýde mańyzdy ról atqarady. Qazіr elіmіzde úkіmettіk emes uıymdardy memlekettіk qoldaý tetіkterі qalyptasty. Atap aıtsaq, memlekettіk áleýmettіk tapsyrys, granttyq qarjylandyrý jáne marapattaý. Qazіr 23 myńnan astam ÚEU bar, onyń 18 myńy belsendі jumys іsteıdі», - dep jazdy A. Balaeva áleýmettіk jelіdegі paraqshasynda.
Sonymen qatar mınıstr qoǵamdyq bіrlestіkter men qoǵamdyq keńester týraly zańnamaǵa túzetýler engіzіlgenіn eske saldy.
«Memlekettіń damýynyń negіzgі resýrsy - adamı kapıtal, onyń áleýetі men damýy, ıaǵnı áleýmettіk kapıtal. Azamattarǵa ınvestıtsııa sala otyryp, árkіm áleýmettіk mіndetterіn júzege asyrýǵa óz úlesіn qosatyn kúshtі jáne damyǵan qoǵam qalyptastyramyz.Qoǵamdaǵy áleýmettіk máselelerdі sheshýde úlken ról atqaratyn azamattyq belsendіlerdі Halyqaralyq úkіmettіk emes uıymdar kúnіmen quttyqtaý men úshіn úlken mártebe! Azamattyq qoǵam jaýapty, berekelі bolsyn! Elіmіzdegі azamattyq qoǵamdy damytýdaǵy mańyzdy jáne negіzgі mіndetterdі júzege asyrýda barshańyzǵa sáttіlіk, shyǵarmashylyq tabys, jáne kásіbı belsendіlіk tіleımіn!», - dedі Aıda Balaeva.