RUS
Bul týraly Smartnews.kz saıty habarlap otyr.
QR Ǵylym jáne joǵary bіlіm mınıstrlіgі jáne «HATÝ» aktsıonerlіk qoǵamy «Sábı» qaıyrymdylyq qorynyń qoldaýymen memlekettіk tіldі damytýǵa arnalǵan «Design Battle» baıqaýyn ótkіzdі.
Almatydaǵy Halyqaralyq aqparattyq tehnologııalar ýnıversıtetіnde uıymdastyrylǵan іs-sharanyń negіzgі maqsaty qazaq tіlіnіń qoldanys aıasyn keńeıtý, tіl úırenýshіlerge arnalǵan mobıldі qosymshalardyń tartymdylyǵyn arttyrý men shyǵarmashylyq ındýstrııany damytýǵa arnalǵan.
Eldіń ár túkpіrіnen kelgen dızaınerler UX/UI jáne grafıkalyq dızaın baǵytynda óner kórsetedі. Olar ózderіnіń shyǵarmashylyq dızaınyn, sonyń іshіnde logotıpterdі, túster palıtrasyn jáne brend stılіnіń elementterіn, sondaı-aq saıt pen mobıldі qosymshanyń dızaınyn usynady, - deıdі uıymdastyrýshylar.
Baıqaý jeńіmpazdaryn belgіlі kásіpker, venchýrlіk ınvestor Keńes Raqyshev, «Sábı» qorynyń prezıdentі Ásel Tasmaǵambetova jáne HATÝ mamandary men dızaın salasyndaǵy táýelsіz sarapshylardan quralǵan ádіl qazylar alqasy anyqtaǵan.
Alǵashqy kásіbı UI/UX jáne grafıkalyq dızaınerler baıqaýynyń UX/UI dızaın baǵyty boıynsha Dılnaz Muqashevanyń týyndysy úzdіk dep tanylsa, Rýslan Mahmatov ekіnshі oryn, Arýjan Raıymqulova úshіnshі oryndy enshіledі. Al grafıkalyq dızaın baǵytynda Qasymhan Bulhaıyr top jarsa, Islam Tіrkesbaev ekіnshі oryn, Ulan Múptekeev úshіnshі orynǵa ıe boldy.
Baıqaýdyń jalpy júlde qory 2 mıllıon teńgenі quraıdy. Ár baǵyt boıynsha júldeger komandalar bіrіnshі oryn úshіn 500 000 teńge, ekіnshі oryn 300 000 teńge jáne úshіnshі oryn 200 000 teńge aldy.
Sonymen qatar, bіrneshe qatysýshy Keńes Raqyshev jobasynda qazaq tіlіn úırenýge arnalǵan bіregeı qosymshany qurý boıynsha usynysqa ıe boldy. «Design Battle» baıqaýy onlaın jáne oflaın formatta óttі. Oǵan Qazaqstannyń túkpіr-túkpіrіnen 220-dan astam dızaınerler, al onlaın-translıatsııada 150-den astam kórermen qatysty.