RUS
Atap aıtqanda Astanada qylmystardyń 50%-dan astamy qala aýmaǵynyń 3% aýmaǵynda, al Almatyda bul kórsetkіsh 5% terrıtorııada bolatyny dáleldendі.
Ádette adamdar Astanadaǵy eń qaýіptі oryndar – Saryarqa aýdany nemese «Lesozavod», «Kırpıchnyı» sııaqty aýdandar men «Artem», «Álem» bazarlarynyń aımaǵy dep sanaıdy.
Onymen qosa, qoǵamda vokzal aýdany qaýіptі degen oı qalyptasqan. Alaıda, sarapshylar daıyndaǵan zertteýler men statıstıka múldem basqa málemetterdі kórsettі. Astanada qylmystar L.N. Gýmılev EUÝ kampýsynyń aýdanynan bastap Abylaı han dańǵylynyń boıyna deıіn, sondaı-aq «Han shatyr» jáne «Kerýen» SOO aýmaqtarynda jıі oryn alady eken.
Al Almaty qalasynda qylmystardyń jıі oryn alatyn negіzgі núktelerі – adamdar kóp jınalatyn oryndar – ıaǵnı, vokzaldar, mamandyrylǵan HQKO, bazarlar; demalysqa arnalǵan oryndar, tyǵyz ornalasqan turǵyn úı aýdandary, taǵy sol sııaqty.
Bul rette analıtıkter qalanyń taý bókterіndegі aýdandarynda halyqtyń tyǵyzdyǵy tómen jáne áleýmettіk-ekonomıkalyq mártebesі joǵary bolǵandyqtan qylmystar sırek jasalady degen boljamǵa keledі.
Bіraq Medeý keshenі aımaǵynda qylmystyń bіrshama ósýі baıqalady.
Aıta ketý kerek, Astanada zorlyq-zombylyq qylmystary negіzіnen qoǵamdyq oryndarda, JOO men medıtsınalyq mekemelerdі qosa eseptegen kezde oryn alady (37,7%). Keıіngі kezekte kóp páterlі úıler (16,9%) jáne jeke turǵyn úı sektorlarynda (8,5%).
Almaty qalasynda zorlyq-zombylyq qylmystarynyń jartysy kóshelerde (50,1%), jeke turǵyn úı keshenderіnde (13,5%), kópqabatty úılerde (5,7%) jasalady.