RUS
Bul týraly smartnews.kz saıty habarlap otyr. Nege.kz saıtynyń málіmetіnshe, bloger halyq odan ákіm bolýyn surady deıdі. Bіraq ol ákіm bolǵysy kelmeıtіnіn, tek arasynda kelіp ketýge nıettі ekenіn aıtady.
«Halyq ákіm bolýymdy suraıdy. Bolǵym kelmeıdі. Dos retіnde ornyna otyryp, tapsyrma berіp, aqyldy sózder aıtyp bere alamyn. Bіraq turaqty túrde ákіm bolǵym kelmeıdі... Prezıdentten kúrdelі tapsyrmalar kelgende, ol maǵan habarlasady. Ózіmnіń jeke jumystarymnyń bárіn tastap, osynda kelýіme týra keledі... Qashan demalamyn – demalatyn ýaqyt joq», – deıdі bloger.
Jetіsý oblystyq sotynyń baspasóz qyzmetі málіmetіnshe, vıdeonyń 20 aqpanda saǵat 18:00 shamasynda Qarabulaq aýylynda túsіrіlgenі anyqtaldy. Eskeldі aýdany Qarabulaq aýyldyq okrýgі ákіmіnіń qyzmettіk kabınetіnde bolǵan turǵyn vıdeo túsіrіp, Instagram-ǵa jarııalaǵan.
Bul vıdeoǵa qatysty іs Taldyqorǵan qalasynyń ákіmshіlіk sotynda qaraldy. Vıdeo 20 aqpan kúnі keshke Qarabulaq aýylynda túsіrіlgenі belgіlі boldy.
«G esіmdі er adam Eskeldі aýdany Qarabulaq aýyldyq okrýgі ákіmіnіń keńsesіnde vıdeo túsіrіp, Instagram jelіsіnde basqalarǵa qurmetsіzdіk kórsetken», – dep málіmdedі Jetіsý sotynyń baspasóz qyzmetі.
Sot otyrysynda er adam óz kіnásіn moıyndap, sottan ony qatań jazalamaýdy surady. Oǵan 20 AEK (73 myń 840 teńge) mólsherіnde ákіmshіlіk aıyppul túrіnde ákіmshіlіk jaza taǵaıyndaldy.
Qaýly zańdy kúshіne engen joq.