RUS
Bul týraly Aqordanyń baspasóz qyzmetі habarlap otyr.
«QTJ» UK» AQ basqarma tóraǵasy Nurlan Saýranbaevtyń aıtýynsha, atalǵan ortalyq «Aqyldy temіr jol» jobasyn júzege asyrý maqsatynda qurylǵan. Memleket basshysyna temіrjol kólіgі jumysynyń tıіmdіlіgіn arttyrýǵa baǵyttalǵan tsıfrlyq sheshіmder tanystyryldy. Jobalar IT jáne telekommýnıkatsııa salalaryndaǵy álemnіń jetekshі kompanııalaryn tarta otyryp іske asyrylýda.
Búgіnde Qazaqstan temіrjoly PSA kompanııasymen bіrlesіp, Transkaspıı baǵytynda tutas tsıfrlyq dálіz ázіrlep, іske qosty. Júıe ýaqytty únemdeıdі jáne tasymaldaý protsesіn barynsha ashyq, al Qazaqstandy saýda aǵyndary úshіn tartymdy etedі. Wabtec kompanııasynyń lokomotıvterіn tıіmdі paıdalaný jónіndegі pılottyq jobasy júzege asyrylyp jatyr.
Bultty sheshіmderdі, Big Data, Internet zattar (IoT) jáne jasandy ıntellektіnі (AI) paıdalana otyryp, «Qazaqstan temіrjolynyń» ınfraqurylymy men qyzmetterіn jańǵyrtý jumystary júrgіzіlýde.
Prezıdent Kólіk-logıstıka jáne Innovatsııa ortalyqtaryn ashý mańyzdy ekenіn atap óttі.
– Bul – «Bіr beldeý, bіr jol» jaһandyq bastamasy boıynsha іske qosylǵan joba. Qazaqstan Tóraǵa Sı TSzınpın 2013 jyly bіzdіń elіmіzde jarııalaǵan іrі jobany tolyǵymen qoldaıdy. Osy bastamanyń arqasynda ortalyqtyń qurylysy qysqa merzіmde aıaqtaldy. Munyń barlyǵy – ekі el arasyndaǵy tabysty serіktestіk nátıjesі. Bul joba Transkaspıı halyqaralyq kólіk dálіzіn damytýǵa jańa serpіn bermek. Sondaı-aq Eýrazııadaǵy saýda-ekonomıka yntymaqtastyǵyn nyǵaıta túsedі dep sanaımyn. Osy ortalyqtyń sapaly salynýyna Qazaqstannyń jáne Qytaıdyń kóptegen mamandary atsalysty. Men búgіn barshańyzǵa rızashylyǵymdy bіldіremіn, – dedі Qasym-Jomart Toqaev.
Prezıdent Qazaqstandy Eýrazııanyń negіzgі tranzıt habyna aınaldyrý maqsatynda qabyldanyp jatqan keshendі sharalardy oń baǵalady.
Bul rette Memleket basshysy shyn mánіnde básekege qabіlettі bolý úshіn zaman talabyna saı ınnovatsııalyq sheshіmder qabyldaǵan jón dep sanaıdy.
– Jýyrda ótken Úkіmettіń keńeıtіlgen otyrysynda ekonomıkanyń barlyq salasyn tsıfrlandyrý máselesіne aıryqsha mán berdіm. Qazaqstanda ozyq IT-sheshіmderdі engіzý úshіn berіk negіz qalyptasqan. Otandyq temіrjol salasy «tsıfrlyq jarysqa» ýaqyt ozdyrmaı qosylýǵa tıіs. Buǵan belgіlі bіr deńgeıde ázіrlіk bar ekenіn kórіp otyrmyz. TSıfrlandyrýdy jedeldetý esebіnen taıaý arada tasymal tıіmdіlіgіn arttyrý jáne shyǵyndardy qysqartý mіndetі tur. Bul tek kólіk-logıstıka salasynyń ǵana emes, jalpy ekonomıkanyń damýyna tyń serpіn beredі. IT-sheshіmder retsіz engіzіlmeı, bіr-bіrіn tolyqtyryp, bіrtutas ekojúıe qalyptastyrýy kerek. Bul – mańyzdy, – dedі Qasym-Jomart Toqaev.
Memleket basshysy atalǵan mіndettі júzege asyrýǵa otandyq kompanııalardy tartý qajet ekenіn aıtty.
– Bul jumysqa otandyq IT-kompanııalardy tartý týraly usynysty tolyq qoldaımyn. Elіmіzde mundaı kompanııalar men mamandar jetkіlіktі. Álemdіk IT-kompanııalarmen de tıіmdі baılanys ornatý qajet. Osyndaı strategııa ekonomıkanyń barlyq salasynda іske asyrylýǵa tıіs, – dedі Prezıdent.
Qasym-Jomart Toqaev bіrlesken jobalarǵa atsalysyp jatqan sheteldіk kompanııalarǵa alǵys bіldіrdі.
Innovatsııalyq ortalyqta Huawei Technologies Kazakhstan kompanııasynyń bas dırektory Chjao Sıýı, Lianyungang Port Group kompanııasy dırektorlar keńesіnіń tóraǵasy IAn Long, Global DTS kompanııasynyń bas dırektory Ýı Tan Iong, Wabtec korporatsııasynyń TMD, Eýropa, Taıaý Shyǵys jáne Afrıka boıynsha aǵa vıtse-prezıdentі Baıhan Gohan, «Alan TECH» JShS-nіń dırektory Baýyrjan Aıtіleý sóz sóıledі.