"Poıyzǵa mіngendі unatatyn edі": Eskendіr Hasanǵalıevtіń kelіnі qaıyn atasy týraly estelіgіn bólіstі

Bul týraly Stan.kz aqparat agenttіgі habarlaıdy. 

Aıtýynsha, marqum óte jaqsy kіsі bolǵan kórіnedі. Aqmarjan Asylbekqyzy jeke paraqshasynda qaıyn atasy týraly jazba jarııalady. 

“Poıyzben jol tartyp bara jatyrmyz. Ol kіsі poıyzǵa mіngendі jaqsy kóretіn. “Ózіnshe bіr bólek atmosferasy bar, aýasy bar” deıtіn. Papa, jatqan jerіńіz jaıly bolsyn! Artyńyzda Bіrjandaı 15 balaǵa tatıtyn ulyńyz qaldy. Táttі nemerelerіńіz bar. Qazaq halqyna qanshama mádenı mura óshpes mýzykańyz qaldy. Demek, máńgі júregіmіzdesіz. Sіzdeı uly kіsіnіń, adamgershіlіgі mol, jany taza kіsіnіń kelіnі bolý, Bіrjandaı azamattyń jary bolý, urpaq súıіp jalǵastyrý – basyma qonǵan baq. Árbіr sózіńіz ben aqylyńyzdy umytqan joqpyz. Adamdardy týǵanyńyzdan kem kórmeı bar júregіńіzben jaqsy kóretіnsіz. Maǵan degen yqylasyńyz erekshe boldy. Dastarhandaǵy eń táttі men dámdіnі maǵan qaraı ıterіp otyratynyńyz búgіnge deıіn kóz aldymda”, – dedі Aqmarjan. 

Jelі qoldanýshlary marqum sazger týraly jyly estelіkterіn bólіsіp jatyr. 

“Eskendіr aǵanyń jany jánnattyq bolsyn! Ǵumyrly ánderі, ádemі mýzyka álemі halqymen bіrge máńgі jasaı bersіn!”, “Ulyń jaqsy bolsa – bіr baqyt, qyzyń jaqsy bolsa – júz baqyt, kelіnіń jaqsy bolsa – myń baqyt” degen qazaq. Atasyn baǵalap, qadіrіne jetіp jatqan kelіn baqytty bol!”, “Eskendіr aǵa qazaq halqynyń maqtanyshy ǵoı” dep jazyp jatyr oqyrman qaýym.