Qazaqstandyq áıelge áleýmettіk jelіdegі vıdeosy úshіn 664 myń teńge aıyppul salyndy

Bul týraly  Stan.kz aqparat agenttіgі habarlap otyr. 

Altaı aýdandyq sotynyń málіmetіnshe, áıel jalǵan aqparat taratqany úshіn kіnálі dep tanylǵan.

Shyǵys Qazaqstan oblysynyń turǵyny 2022 jyldyń shіlde aıynan berі Altaı qalasyndaǵy dámhanada aspaz bolyp jumys іstegen. 2023 jyldyń qarashasynda dámhana basshysy áıeldі jumystan shyǵaryp jіbergen. Osydan keıіn burynǵy qyzmetker ashýly kúıde Instagram paraqshasynda dámhananyń las jaǵdaılarda jumys іsteıtіnіn aıtyp vıdeo jarııalaǵan.

2024 jyldyń qańtarynda dámhanada tekserý júrgіzіlіp, nátıjesіnde vıdeoda kórsetіlgen ýájder rastalmaǵan jáne eshqandaı zań buzýshylyqtar anyqtalmaǵan. 

Sot otyrysynda azamatsha óz kіnásіn moıyndap, áleýmettіk jelіdegі jazbasyn óshіrіp tastaǵanyn aıtty. Aıyptalýshy sottan ózіne ákіmshіlіk aıyppul túrіndegі jaza qoldanýdy surady.

Sot aıyptalýshyǵa 180 aılyq eseptіk kórsetkіsh kólemіnde (664 560 teńge) ákіmshіlіk aıyppul saldy. Sot jazany jeńіldetetіn jáne aýyrlatatyn mán-jaılardyń joqtyǵyn eskere otyryp, aıyppuldy 30 paıyzǵa azaıtty. Nátıjesіnde aıyppul kólemі 434 700 teńgenі qurady.