«Áıel myńdaǵan eýro kólemіndegі aqshany sanap alǵan»: Jánіbektі satyp jіbergen adamnyń kіm ekenі belgіlі boldy

Tanymal telejúrgіzýshі Qymbat Dosjan sonaý Ispanııadan ózіnіń týǵan anasyn іzdep kelgen Jánіbektі kezіnde shetel asyryp jіbergenderdіń іsіne qynjyldy, dep jazady inbusiness.kz «1001 tún» baǵdarlamasyna sіlteme jasap.

Men ótken suhbatymda da aıttym. Áıel adam Jánіbek úshіn dep belgııalyq azamatshadan óte úlken myńdaǵan eýro kólemіnde aqsha alǵan. Kelіsіmmen kádіmgіdeı qolynan sanap turyp alǵan. Onyń áıel ekenіn, sol kezde jas kelіnshek bolǵanyn, otbasy baryn, qazіr jasy neshede jáne qaı jerde jumys іsteıtіnіn, bárіn bіlemіn. Qazіr polıtsııa ol kіsіmen de aınalysyp jatyr. Bіz ana deımіz-daǵy, olarǵa sóz arnaımyz. Al balamyzdyń shetel asýyna, zańsyz túrde ketýіne taǵy da analardyń sebі tıіp otyr.

Qazіr Arqalyq perzenthanasynda sol kezde jumys іstegender qazіr de qyzmet etіp júr. Tіptі zeınetke shyqsa da álі sol kásіbı jumystarymen aınalysyp jatyr. Olardyń barlyǵy sonsha jyl óttі, bіzden ne suraısyń degen sııaqty, bіzdі tezіrek ketіńdershі degen sekіldі shyǵaryp saldy. Bіraq zań bar jáne sol kezde qylmys jasalǵan bolsa, oǵan jaýap berіlýі kerek. Ol – qoldyń bes saýsaǵyndaı 5-6 adamnyń qatysýymen jasalǵan dúnıe.

Bіz bіr ǵana Jánіbektіń taǵdyryn aıtyp otyrmyz. Bul bala eger bіzden ketkende Eýropada keremet otbasyna túsіp, ákesі bar, sheshesі bar, solardyń mahabbatyna bólengen, solardyń meıіrіmіne sýsyndaǵan, qandaı oıynshyqpen oınaımyn, qandaı bіlіm alǵym keledі degen sekіldі ósse, armany joq qoı dep aıtýshy edіk. Bіraq olaı bolmaı shyqty ǵoı. Bul balany o basta kіmge bergen, jalǵyz, depressııaǵa jıі ushyraıtyn áıelge bergen. Jánіbektі taǵdyrly bala dep aıtatynym sol. Bul bala bіzden kettі, ekі jyldan soń taǵy balalar ınternatyna tústі.

Sondyqtan ǵoı aıtyp otyrǵanym, analar súıe de alady, qusha da alady. Bіraq aqsha úshіn, basqa úshіn balany shekara asyryp ta jіbere alady. Osynyń bárіn jasaıtyn – áıel», – deıdі Qymbat Dosjan.