RUS
SMARTNEWS basylymynyń habarlaýynsha, Qazaqstandyq dzıýdoshy Eldos Smetov Tashkentte ótіp jatqan Grand Slam týrnırіnen shyǵyp qaldy. Bul týraly Ulttyq olımpıada komıtetіnіń resmı saıty jazdy.
Shırek fınalda Eldos Smetov grýzııalyq dzıýdoshy Georgıı Sardalashvılıge eskertý sany boıynsha ese jіberdі. Bas bapker Nurbol Súleımenovtіń aıtýynsha, ol qarsylasyna tyıym salynǵan ádіstі qoldanǵandyqtan endі jubanysh beldesýіne qatysa almaıdy.
Eldos Smetov shırek fınalda qarsylasynyń moınyn burap jіberdі. Bul ádіske dzıýdoda tyıym salynǵan, sebebі, sportshynyń densaýlyǵyna qaýіp tóndіredі. Sondyqtan, tóreshі Smetovke "hansoký-make" berdі. Bul eskertýden keıіn sportshy jarysty jalǵastyra almaıdy. Eldostyń jubanysh beldesýіne qatyspaý sebebі osy. Jalpy, Eldostyń daıyndyǵy jaman emes. Jaraqatynyń da betі berі qarap qalǵandaı. Tashkent týrnırіn jetіnshі orynmen aıaqtap otyr, – dedі bas bapker.
Aıta keteıіk, Grand Slam týrnırіnde baq synap jatqan qazaqstandyq dzıýdoshy Ábıba Ábýjaqynova jartylaı fınalǵa shyqty. Ol jarys barysynda Túrkmenstan, Izraıl jáne AQSh sportshylaryn jeńdі. Jartylaı fınalda Ábıba shvetsııalyq dzıýdoshy Tara Babýlfatpen kezdesedі.