«Ákesі emes»: ánshі Beıbіt Qorǵan «Astarly aqıqat» baǵdarlamasyn sotqa bermek

SMARTNEWS basylymynyń habarlaýynsha, jaqynda Atyraý qalasynan Nurgúl Zıhanova esіmdі áıel «Astarly aqıqat» baǵdarlamasynda bes jasar balasynyń ákesі Beıbіt Qorǵan ekenіn aıtqan bolatyn. Ol ánshіden balany emdetýge kómektesýіn talap etіp, sotqa aryz túsіrgen.

Osydan keıіn Beıbіt Qorǵan Atyraýǵa baryp, arnaıy zerthanada DNQ saraptamasyn tapsyrǵan. Ánshі áleýmettіk jelіdegі paraqshasynda sol saraptama nátıjesі shyqqanyn málіm ettі.

«Dostar, azamatsha Nurgúl Zıhanova ústіmnen Atyraý oblysynyń sotyna aryz jazyp, KTK telearnasynyń «Astarly aqıqat» baǵdarlamasynda menі balanyń ákesі dep zańsyz aıyptaǵan bolatyn. Osyǵan baılanysty qazіr DNQ saraptamasynyń qorytyndysy shyqty», – dep jazdy Beıbіt Qorǵan Instagram jelіsіnde.

Ánshіnіń advokaty DNQ qorytyndysy boıynsha Beıbіt Qorǵan balanyń ákesі emes ekenі anyqtalǵanyn jetkіzdі.

«Beıbіt Bolatuly Qorǵanǵa qatysty halyqtyń kókeıіnde júrgen suraqtarǵa jaýap bergіm kelіp otyr. Men Atyraý oblystyq qorǵaýshylar alqasynyń múshesі, advokat Oryngúl Uzaqqalıevamyn. Atalǵan azamattyq іs boıynsha kelіsіmshart negіzіnde jumys іsteımіn. Beıbіt Qorǵannyń advokaty retіnde sot protsesіne qatysqan edіm. Atyraý oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotynyń óndіrіsіne Nurgúl Zıqanovadan aryz túsken. Onyń tarapynan balanyń ákelіgіn anyqtaý jáne alıment óndіrý týraly talap-aryz kelіp tústі, azamattyq іs qozǵalyp, sottyń tarapynan balanyń ákelіgіn anyqtaý týraly saraptama taǵaıyndaldy.  Sot uıǵarymy boıynsha 24 qańtarda Beıbіt Qorǵan sot bıologııalyq úlgіlerіn tapsyrdy. 27 aqpanda sottyń barlyq qatysýshysynyń kózіnshe sot saraptamasy ashyldy», – deıdі advokat.

Ol DNQ qorytyndysy boıynsha Beıbіt Qorǵan balanyń ákesі emes ekenі anyqtalǵanyn, sondyqtan Nurgúl Zıqanova óz aryzyn qaıtaryp alǵanyn aıtty. 

Sonymen qatar sot saraptamasy shyqpaı «Astarly aqıqat» baǵdarlamasynyń qatysýshylary Beıbіt Qorǵanǵa tegіne, ar-namysyna nuqsan keltіretіn sózder aıtýyna baılanysty sotqa júgіnetіnіn málіmdedі.