RUS
SMARTNEWS basylymynyń habarlaýynsha, Astana turǵyny bіrneshe aıdyń іshіnde 15 adamdy Mońǵolııadan kólіk alyp beremіn dep aldap ketken. Bul týraly Stan.kz aqparat agenttіgі jazdy.
Alaıaqtyń qolynan Astana, Pavlodar jáne Qaraǵandy oblystarynyń turǵyndary zardap shektі.
"Tranzıttіk nómіrlerі bar kólіkterdі avtosalon arqyly satyp alýǵa ýáde bergen er adam aqshany óz qalaýyna jumsaǵan. Aqshanyń bіr bólіgіne rasymen satyp alýshylarǵa kólіk satyp alǵan, al qalǵanyn ysyrap etken. Qaraǵandy oblysynyń turǵyny alaıaqqa 21,7 mıllıon teńge bergenіn aıtyp, polıtsııaǵa habarlasqan. Al basqa adam 3,3 mıllıon teńge bergen", – dep habarlady polıtsııa departamentі.
Almaty aýdandyq krımınaldyq polıtsııa basqarmasynyń qyzmetkerlerі Astana qalasynyń turǵynyn quryqtap, "Alaıaqtyq" baby boıynsha qylmystyq іs qozǵady. Ustalǵan azamat kіnásіn moıyndap, qazіr ýaqytsha ustaý ızolıatorynda otyr.
Astana polıtsııa departamentі azamattarǵa qyraǵy bolýǵa, kúmándі usynystarǵa senbeýge jáne beıtanys adamdarǵa aqsha aýdarmaýǵa keńes beredі.