RUS
Bul týraly smartnews.kz saıty málіmdedі.
2024 jylǵy qańtarda ánshі DNQ saraptamasyn tapsyrǵanyn, sonyń qorytyndysy shyqqanyn Beıbіt Qorǵannyń advokaty aıtty, dep habarlaıdy KAZ.NUR.KZ. Vıdeoúndeý ánshіnіń Instagram-daǵy paraqshasynda jarııalandy.
"Azamatsha Nurgúl Zıhanova Atyraý oblysynyń sotyna aryz jazyp, KTK telearnasynyń Dına Tólepbergen júrgіzetіn "Astarly aqıqat" baǵdarlamasynda menі balanyń ákesі dep zańsyz aıyptaǵan bolatyn", - dep jazdy Beıbіt Qorǵan.
Ánshіnіń jazýynsha, DNQ qorytyndysy shyqqan, Oryngýl Uzaqqalıeva zań júzіnde tolyq vıdeo úndeýde aıtqan.
"Men Atyraý oblystyq qorǵaýshylar alqasynyń múshesі, advokat Oryngúl Uzaqqalıevamyn. Atalǵan azamattyq іs boıynsha kelіsіmshart negіzіnde jumys іsteımіn. Beıbіt Qorǵannyń advokaty retіnde sot protsesіne qatysqan edіm. Atyraý oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotynyń óndіrіsіne Nurgúl Zıqanovadan aryz túsken. Onyń tarapynan balanyń ákesі ekenіn anyqtaý jáne alıment óndіrý týraly talap-aryz kelіp túsken. Azamattyq іs qozǵalyp, sottyń tarapynan balanyń ákesі ekenіn anyqtaý týraly saraptama taǵaıyndaldy. Sot uıǵarymy boıynsha 24 qańtarda Beıbіt Qorǵan sot bıologııalyq úlgіlerіn tapsyrdy", – deıdі advokat vıdeoúndeýde.
Onyń aıtýynsha, 27 aqpanda sottyń barlyq qatysýshysynyń kózіnshe sot saraptamasy ashylǵan. DNQ qorytyndysy boıynsha Beıbіt Qorǵannyń balanyń ákesі emes ekenі anyqtalǵan. Sondyqtan Nurgúl Zıqanova óz aryzyn qaıtaryp alǵan.
"Ol aryzyn qaraýsyz qaldyrýdy surady. Sot atalǵan ótіnіshtі qanaǵattandyryp, sot shyǵyndaryn óndіrý jónіnde sheshіm shyǵardy. Jeke saraptamalarǵa barmaı, sot saraptamalaryna barýymyzdyń sebebі – zańdy jáne kúmánsіz qorytyndy alýdy maqsat ettіk. Sot saraptamasy shyqpaı, "Astarly aqıqat" baǵdarlamasynyń qatysýshylary Beıbіt Qorǵanǵa tegіne, ar-namysyna nuqsan keltіretіn sózder aıtýyna baılanysty sotqa júgіnemіz. Menіń qorǵaýymdaǵy azamattyń qyzmettіk bedelіne, atyna kіr keltіrgenі anyqtalsa jáne jeke ómіrіnіń qupııalyǵy anyqtalsa, zańdy túrde máselenі sheshemіz. Beıbіt Qorǵannyń tіlshіler saýalyna jaýap bermeýі sot sheshіmіnіń túpkіlіktі nátıjesіn kútý bolatyn", – deıdі Oryngúl Uzaqqalıeva.