RUS
Bul jaqsy emes. Osy qarqynmen jyl aıaǵyna deıіn kemі júz sheneýnіktіń qolyna kіsen salynsa kerek.
Jyl basynda іrіlі-usaqty bіrtalaı sheneýnіk іstі bolyp jatyr. Sonyń eń sońǵysy dep alsaq, Soltústіk Qazaqstan oblystyq máslıhatynyń Pavel Býlaev degen depýtaty ustaldy. Depýtatty Sybaılas je qorlyqqa qarsy іs-qımyl agenttіgіnіń qyzmetkerlerі quryqtaǵan.
Ustalǵan sheneýnіk Soltústіk Qazaqstan oblysy boıynsha «Tazalaý, sý ótkіzgіsh jáne drenajdyq qurylystar» memlekettіk kommýnaldyq qazynashylyq kásіporny dırektorynyń orynbasary eken. Agenttіktіń habarlamasynda:
«Ol bıýdjet qarajatyn jymqyrdy degen kúdіkke іlіndі. Býlaev ýaqytsha ustaý ızolıatoryna qamaldy», – delіngen.
Al Shymkentte bіr sheneýnіktі týra qala ákіmіnіń kóz aldynda, jınalystyń ústіnde ustap áketken. Qalalyq turǵyn úı basqarmasy basshysynyń mіndetіn atqaryp kelgen laýazym ıesіne qazynanyń 120 mıllıon teńgesіn jymqyrdy degen aıyp taǵylyp otyr. Ol 216 kópqabatty turǵyn úıdіń seısmıkalyq jaǵdaıyn tehnıkalyq synaqtan ótkіzýge baǵyttalǵan qarjyny ózіmen múddeles kompanııaǵa bіr kózden bergen kórіnedі. Ustalǵan adamǵa qatysty budan basqa taǵy bіr іs tergelіp jatyr eken. Onysy da qarjyǵa baılanysty dep jatyr.
Qarjylyq monıtorıng agenttіgі «Qazarnaýlyeksport» degen respýblıkalyq memlekettіk kásіpornynyń bas dırektoryn ustapty. Resmı habarlamada: «2024 jylǵy 23-aqpanda brondalǵan áskerı tehnıkany jetkіzý boıynsha memlekettіk qorǵanys tapsyrysyn oryndaý kezіnde qyzmettіk ókіlettіkterіn terіs paıdalandy degen kúdіkpen «Qazarnaýlyeksport» kásіporny bas dırektorynyń mіndetіn atqarýshy Arshat Aıaǵanov ustaldy», – delіngen. Osynyń aldynda ǵana bіrer aı buryn 1 mıllıard teńge jymqyrdy degen kúdіkpen «Qazarnaýlyeksport» kásіpornynyń basshylary ustalǵan bolatyn. Bul – úkіmet qurǵan kásіporyn. Ol Qarýly kúshterdі, basqa da ásker men áskerı quralymdardy qarý-jaraqpen jáne áskerı tehnıkamen qamtamasyz etýmen aınalysady, sondaı-aq áskerı múlіk ımporty men eksporty baǵytynda jumys іsteıdі. Mіnekı, osyndaı asa jaýapty árі mańyzdy kásіporyn jemqorlyqqa kúdіkten kóz ashpaı otyr.
Aqmola oblysynyń TSelınograd aýdanynda bіr sheneýnіk jergіlіktі kásіpkermen sóz baılasyp qarjy talan-tarajyn jasaǵan kórіnedі. Sheneýnіk pen kásіpker Qoıandy aýylynyń kóshelerіn kúrdelі jóndeýden ótkіzýge jáne ony qaıta salýǵa bólіngen 1,2 mıllıard teńgenі jymqyrǵanyn aýdandyq prokýratýra keltіrgen. Is qozǵalǵan kezde kúdіktі sheneýnіk Bіrіkken Arab Ámіrlіkterіnde demalyp jatqan eken. Kelgen boıda ol qamaýǵa alyndy.
Osy sııaqty іster óte kóp. Ekі aıdyń іshіnde jemqorlyqpen kúdіkke іlіgіp, taǵdyry qyl ústіnde turǵandardyń qatarynda Almaty qalasyndaǵy aýdan ákіmіnіń orynbasary, Almatydaǵy іrі kólemde para aldy degen kommýnaldyq kásіporyndardyń bіrіnіń basshysy, Shymkenttegі para aldy degen qalalyq eńbek utqyrlyǵy ortalyǵynyń basshysy, Pavlodar oblysyndaǵy «Ertіs ormany» memlekettіk orman tabıǵaty rezervatynyń para alýdyń qylmystyq shemasyn jasaǵan degen basshysy, Atyraý oblysynyń veterınarlyq ıspektsııasynyń shekaradan júk ótkіzýshіlerden іrі kólemde para aldy degen basshysy, Ulytaý oblystyq mádenıet, tіlderdі damytý jáne muraǵat іsі basqarmasynyń іrі kólemde para aldy degen basshysy, «Sportty damytý dırektsııasy» respýblıkalyq memlekettіk kommýnaldyq kásіpornynyń bıýdjet qarjysyn talan-taraj ettі degen burynǵy dırektory, Almaty oblysyndaǵy Ile aýdanynyń bıýdjet qarjysyn talan-taraj ettі degen bіlіm bólіmіnіń basshysy, taǵy basqa laýazym ıelerі bar.
Taıaýda іstegen zańsyz áreketterі úshіn ustalǵandardyń sottary da ótіp jatyr. Atap aıtqanda jyl basynda Jetіsý oblystyq jolaýshylar kólіgі jáne avtomobıl joldary basqarmasynyń burynǵy basshysyna, Aqtóbe qalasyndaǵy №55 mektep-gımnazııasynyń bas býhgalterіne, Qyzylorda oblysynyń Jańaqorǵan aýdandyq bіlіm bólіmі salasynyń qyzmetkerlerіne, Almaty oblystyq mamandandyrylǵan aýdanaralyq ekonomıkalyq sottyń sýdıasyna jáne onymen bіrge Qarasaı aýdandyq memlekettіk kіrіster basqarmasynyń bólіm basshysy men parany berýshі adamǵa da qatysty sot protsesterі óttі.