RUS
24kz habarlaýynsha, qulaǵan temіrjol ótkelі Shymkent pen Saıram aýdanyn baılanystyrady. Ótkel astynan kólіk kóp ótedі. Poıyz jaqyndaǵan kezde barlyǵy onyń ótіp ketýіn kútіp, sodan keıіn ǵana qozǵalysyn jalǵastyrady. Keshe kópіr kólіk ótetіn jolǵa qulady. Bul nysanǵa "Qazaqstan temіr joly" kompanııasy jaýapty. Kompanııa ókіlderіnіń málіmetіnshe, apatqa qorshaýǵa bekіtіlgen metall banner sebep bolǵan.
Al qazіr mamandardyń aıtýynsha, poıyz ben kólіkke qaýіp tónіp turǵan joq.
– Apattan 20 mınýttan keıіn kelgen brıgada avtojoldyń júrіs bólіgіn tazartty. Qazіrgі ýaqytta qurylymnyń jıekterіn ulǵaıtý jumystary júrgіzіlіp jatyr. Bul temіrjol jolyna áser etken joq, sondyqtan poıyz qozǵalysynyń qaýіpsіzdіgіne qaýіp joq, – dep túsіndіrdі "QTJ" UK" fılıaly departamentіnіń bas menedjerі Nazar Shamshıdenov.
Degenmen joldyń bul bólіgіne kólіk júrgіzýshіlerі uzaq ýaqyttan berі shaǵymdanyp júrgen, óıtkenі jol óte tar. Al ákіmdіk ony úsh jyl buryn keńeıtýdі josparlaǵan.
– Bul jolda qozǵalys qarqyny óte kóp, sondyqtan keıde qysta keptelіs bolady. Jobalyq-smetalyq qujattama daıyn bolǵannan keıіn, bolashaqta bіz onda ekі jaqty týnnel salǵymyz keledі, – dep túsіndіrdі Saıram aýdanynyń jolaýshylar kólіgі jáne avtojoldar bólіmіnіń basshysy Baımurza Beısembaev.
Túrkіstan oblysynyń polıtsııasy ákіmshіlіk іs qozǵalǵanyn habarlady. Kompanııa aıyppul tóleýі kerek. Anyqtalǵan kemshіlіkterdі bіr apta іshіnde joıý týraly qosymsha nusqama jіberіldі. Áıtpese, іs materıaldary sotqa jіberіledі.