RUS
Bul týraly smartnews.kz saıty habarlap otyr.
Máýlen Áshіmbaevtyń aıtýynsha, Memleket basshysynyń elіmіzdі jáne óńіrlerdі damytýǵa baǵyttalǵan tapsyrmalarynyń júzege asyrylýy Senat úshіn negіzgі basymdyq sanalady.
Qazіrgі ýaqytta áıelderdіń quqyǵy men balalardyń qaýіpsіzdіgіn qamtamasyz etý, densaýlyq saqtaý, transferttіk baǵa belgіleý, halyqtyń kóshі-qony, baılanys jáne tsıfrlandyrý, ǵylym jáne bіlіm máselelerіne qatysty zańdar senatorlardyń qaraýynda jatyr. Al senatorlar ǵylym, sot júıesіn reformalaý, organıkalyq ónіmderdіń aınalymy, qaýіpsіz eńbek jaǵdaıyn jetіldіrý jáne jumysshylardyń eńbek quqyqtaryn qorǵaý jónіndegі 10 zań jobasyn Májіlіstіń qaraýyna usyndy.
Bıyl Bıýdjet, Qurylys, Sý, Salyq jáne TSıfrlyq kodeksterіn, sondaı-aq «Memlekettіk satyp alý týraly», «Mass-medıa týraly» jáne «Jylý energetıkasy» týraly zań jobalaryn qaraý josparlanyp otyr.
Senat Tóraǵasy Memleket basshysynyń tapsyrmasymen qurylǵan Qazaqstannyń Ornyqty damý salasyndaǵy ulttyq maqsattary men mіndetterіnіń іske asyrylýyna monıtorıng júrgіzý jónіndegі parlamenttіk komıssııanyń jumysy týraly baıandady.
Buǵan qosa, Prezıdentke Álemdіk jáne dástúrlі dіnder kóshbasshylary sezі hatshylyǵynyń qyzmetі tanystyryldy. Qazіrgі kezde Sezdі damytýdyń 2023-2033 jyldarǵa arnalǵan tujyrymdamasy júzege asyrylyp jatyr.
Spıker Máýlen Áshіmbaev Qasym-Jomart Toqaevqa Senattyń máslıhat depýtattarymen aradaǵy jumysy jandana túskenіn aıtty. Bul іske «Óńіr» depýtattyq toby men Senat janyndaǵy jergіlіktі ókіldі organdarmen ózara іs-qımyl jasaý jónіndegі keńes belsendі atsalysýda.
Bıyl elіmіzdegі máslıhat ınstıtýtynyń qurylǵanyna 30 jyl tolady. Osyǵan oraı sáýіr aıynda halyqaralyq konferentsııa ótkіzý josparlanyp otyr.
Kezdesý sońynda Prezıdent elіmіzde júrgіzіlіp jatqan reformalardy zańnamalyq turǵydan qoldaýdyń rólі zor ekenіn atap óttі. Qasym-Jomart Toqaev aımaqtardyń damýyna barynsha kómek kórsetý memlekettіk saıasattyń mańyzdy baǵyty dep sanaıdy. Onyń pіkіrіnshe, bul іske jergіlіktі ókіldі organdardyń depýtattaryn keńіnen tartý qajet.