RUS
Bul týraly smartnews.kz saıty habarlap otyr.
Túngі saǵat 02.00 shamasynda «102» pýltіne oqıǵa kýágerіnen jol boıynda «GEELY» kólіgіnіń mas júrgіzýshіsі áıeldі uryp-soǵyp jatqany týraly habarlama túsken.
Oqıǵa ornyna dereý avtopatrýl jіberіlgen. Tártіp saqshylary jetkende júrgіzýshі kólіktі tastap, jaıaý qashýǵa árekettengen. Alaıda kóp uzamaı qolǵa túsken.
Tergeý barysynda kólіktіń іshіnde júrgіzýshіnіń áıelі bolǵany anyqtaldy. Oqıǵadan sál buryn erlі-zaıyptylar dámhanada іshіmdіk іshіp otyrǵan, sol jerde olardyń arasynda janjal shyqqan. Olar mas kúıіnde kólіkke otyryp, kólіk júrgіzіp kele jatqanda erlі-zaıyptylardyń arasyndaǵy shyqqan janjal jalǵasyp, júrgіzýshі kólіkten áıeldі májbúrlі túrde súırep túsіrgen.
Quryqtalǵan júrgіzýshіnі polıtseıler bіrden kólіk júrgіzýden shettetіp, medıtsınalyq tekserýden ótýіn suraǵan. Alaıda júrgіzýshі polıtsııa qyzmetkerіnіń zańdy talabyn oryndaýdan úzіldі-kesіldі bas tartyp, baǵynbaǵan.
"Polıtsııa talaptaryn oryndamaǵany jáne alkogoldіk masańdyq boıynsha test tapsyrýdan jaltarǵany úshіn júrgіzýshі 25 táýlіkke ákіmshіlіk qamaýǵa alý qarastyrylyp, kólіk kommýnaldyq turaqqa qoıylǵan", - delіngen habarlamada.