RUS
Bul týraly smartnews.kz saıty habarlap otyr.
Segіz aıǵa sozylǵan tergeýden soń Aqtaý turǵyny 22 jylǵa bas bostandyǵynan aıryldy. Endі ol jazasyn qatań rejımdegі kolonııada óteıdі. Alaıda kіnálі óz aıybyn moıyndamaı, marqum sýıtsıd jasady dep otyr.
Qylmystyq іs boıynsha marqum Valerııanyń anasy Svetlana Shalnovanyń ólіmіne qatysty ádіl úkіm shyǵarylǵanyn aıtty. Ol іstі tergeýge atsalysqan barsha janǵa alǵysyn bіldіrdі.
«Ótken jyly bolǵan bul oqıǵa qabyrǵamyzdy qaıystyryp kettі. Sodan berі bіz tergeýdіń qalaı aıaqtalatynyn kútýmen boldyq. Osy rette sot sýdıasy Dosetova hanymǵa, Mańǵystaý oblysy prokýrorynyń orynbasaryna, qylmystyq polıtsııanyń jedel tergeý bólіmіne, qorǵaýshyǵa qyzymnyń ólіmіnіń ádіl tergelіp, laıyqty úkіm shyǵarylǵanyna septeskenі úshіn alǵysymdy jetkіzgіm keledі. Aıta ketetіn jaıt, sot kezіnde qyzymdy óltіrgen kúdіktі ózіnіń qylmysyn múldem moıyndamady. Sottyń úkіmіmen kelіspedі. Odan bólek, qylmystyq jaýapkershіlіkten qashyp, qyzymnyń sýıtsıd jasaǵanyn aıtty», - dedі Svetlana Shalnova.
Onyń sózіnshe, kіsі ólіmі qoǵamda talqylaýǵa túsken soń aıypker jazadan qutyla almaǵan.
«Sot oǵan qylmysy boıynsha laıyqty jaza kestі. Endі ol qatań rejımdegі kolonııada 22 jyl jazasyn óteıdі. Osy jaǵdaı bіzdіń qaıǵymyzǵa az bolsa demeý boldy», - dedі marqumnyń anasy.
22 jylǵa sottalǵan aıyptalýshy QR qylmystyq kodeksіnіń 99-babynyń 2-bólіmіnіń 3, 10-tarmaqshalary jáne 120-baptyń 1 bólіmі boıynsha jaýapqa tartyldy. Budan bólek, qylmystyq іstі tergeý kezіnde kedergі keltіrýge tyrysqan quqyq qorǵaý qyzmetkerlerі tergeletіn bolady.
Valerııa Shalnovanyń máıіtі byltyr shіlde aıynyń basynda Aqtaý іrgesіndegі kanaldan tabylǵan bolatyn. Izdestіrý kezіnde oqıǵaǵa kіnálі kúdіktі bіr kúnnen keıіn tabylyp, ol qyzdyń burynǵy jіgіtі ekenі anyqtalǵan.