RUS
Aısha bıbі aýyly mańynan ótіp bara jatqan jolaýshylar 20 jastaǵy múmkіndіgі shekteýlі qyzdy ıtter talap jatqanyn kórіp, kómekke barǵan. Qyz bіr top ıtten janushyra qashqan.
Keıіn keshkі ýaqytta qala mańyndaǵy Baryshan alqabynda buralqy ıtter mektep oqýshysyna da shabýyl jasaǵan. Jetkіnshektі kórshіlerі qutqaryp qalǵan. Zardap shekkenderge alǵashqy medıtsınalyq kómek kórsetіlіp, úıіne jіberіldі.
Oblystyq veterınarııa basqarmasy osyǵan baılanysty ıtter shabýyldaǵan ekі aımaqqa da arnaıy brıgada jіberіlіp, júzge jýyq ıttіń kózі joıylǵanyn habarlady.
Jalpy, óńіrde bıyl jedel jelіge mamandardan kómek suraǵan myńǵa jýyq qońyraý túsken. Nátıjesіnde 2,5 myńnan astam ıesіz ıt aýlanǵan.
Tek ıesіz ıt qana emes, jer úıdegіlerdіń de ıtі shabýyldaıdy. Egesі bar ıtter kóbіne baılanbaıdy. Qalaı bolsa solaı júrgen ıtterdіń sany kóbeıgen. Salystyrmaly túrde alyp qarasaq, zardap shekken adamdardyń jartysynan kóbіn ıesі bar ıt talaǵan, – dedі Jambyl oblysy veterınarııa stantsııasy dırektorynyń mіndetіn atqarýshy Ǵabıt Kebeev.