RUS
Tánіn satýǵa májbúr bolǵan qyz jezóksheler álemіnde “Móldіr” degen laqap atymen tanylǵan. Úıіne qaıta oralǵanymen jaǵdaıy máz emes. Bul týraly Stan.kz aqparat agenttіgі “Astarly aqıqat” baǵdarlamasyna sіlteme jasap habarlaıdy.
Qyzdyń aıtýynsha, jeńgetaılar yǵyna jyǵý úshіn esіrtkіnіń dámіn tatýǵa májbúrlegen.
“Qashyp ketpes úshіn shashymdy alyp tastady. Klıentterge bіrіnshі kúnі shashsyz oramalmen shyǵyp kórdіm. Klıentter kerek emes dep shyǵaryp tastaıtyn. Keıіnnen parık kıіp shyǵýǵa májbúr boldym. Bіr áıeldі alyp kelіp, ıne, tamyrdan sıstema saldyratyn. Onyń qandaı dárі ekenіn ózіm de bіlmeımіn. Keshke segіz-toǵyzda shyǵamyz. Joq degende kúnіne 5-6 klıent bolady. Qonaq úı, saýna, páterge shaqyrady”, – dedі Móldіr (keıіpkerdіń esіmі ózgertіlgen).
Qyzdyń ápkesіnіń aıtýynsha, Móldіr úıdegі ájesіne bіr aptadaı dúkenge qonyp іsteımіn dep aıtyp shyǵyp ketken.
"Jańadan tanysqan Yhtııar esіmdі jіgіt dúkende jumys іstep qaıtesіń, men senі jańadan jumysqa aparamyn. Astyńa kólіk mіnesіń, ádemі úıde turasyń dep aldap aparǵan. Ekeýі qyz ben jіgіt bolyp júrgen. Sózіne sengen sіńіlіm sońynan erіp sýtıner áıeldіń úıіne barǵan. Ol jerde sіńlіm bіr aptadaı úı qyzmetshіsі bolǵan. Ol jerde menen bólek úsh qyz boldy deıdі. Jіgіtі de sol úıde turǵan. Bul qyzdar da sen sııaqty jumys іsteıdі dep aldaǵan. Keıіnnen qyzdardan qandaı jumys іsteıtіnіn bіlіp, qashpaq bolǵan", – dedі qyzdyń ápkesі.
Al qyzdy jeńgetaıǵa aparyp tapsyrǵan súıgen jіgіtі – Shymkent qalasy, Lenger aýdanynyń turǵyny. Ol jeńgetaılar úıіnde taksı júrgіzýshіsі qyzmetіn atqaryp, qyzdardy klıentke tasymaldaǵan.
“Bіr kún tasymaldaǵanyma jalpy 30 myń teńge tóleıdі. Bul qyzben júremіz dep tanysqanmyn. Jezókshelіkpen aınalysatyn qyzdardy tasımyn. Klıentіne aparyp tastap, alyp qaıtamyn. Buryn qaraqshylyq jáne tonaý boıynsha sotty bolǵanmyn. Jetі jyl berdі, alty jyldan keıіn shyqtym. Aldymen qonys-kolonııasyna jіberіldіm, keıіn shartty túrde merzіmnen buryn bosatyldym", – dedі qyzdyń sengen jіgіtі Ihtııar Ibragımov.