Qyz zorlady dep aıyptalǵan Taldyqorǵan PB eks-bastyǵyn sot zalynan jedel járdem kólіgі alyp kettі

Bul týraly smartnews.kz saıty málіmdeıdі.

Qyz zorlady dep aıyptalǵan Taldyqorǵan IIB burynǵy basshysy Marat Kúshtіbaevty sot zalynan jedel járdem kólіgіmen alyp kettі, dep habarlady nur.kz Jetіsý oblystyq sotyna sіlteme jasap.

 Vıdeo áleýmettіk jelіlerde paıda boldy. Zembіlmen kóterіp ketіp bara jatqan adamnyń Marat Kúshtіbaev ekenі aıtylǵan.

«Jetіsý oblystyq sotynyń baspasóz qyzmetі sot otyrysy kezіnde aıyptalýshy K.-ny jedel járdem kólіgіmen alyp ketkenі týraly aqparatty rastaıdy. Qazіrgі ýaqytta ol kardıologııalyq ortalyqta dárіgerlerdіń baqylaýynda. Osyǵan baılanysty sot otyrysy keıіnge qaldyryldy», - dep túsіndіrdі olar.

Eske salaıyq, ótken jyly qarashada Taldyqorǵan qalalyq polıtsııa basqarmasynyń burynǵy bastyǵy Marat Kúshtіbaev 27 jastaǵy qyzdy zorlady degen kúdіkpen ustaldy.

Oǵan qatysty Qylmystyq kodekstіń 120-baby 2-bólіgі (Qyzmettіk mіndetterіn oryndaý kezіnde jasaǵan zorlaý) boıynsha qylmystyq іs qozǵaldy. Keıіn ol ekі aıǵa qamaýǵa alyndy.