RUS
Bul týraly smartnews.kz saıty habarlap otyr.
Oqý-aǵartý mınıstrlіgіnіń málіmetіnshe, bul uıymdardyń ashylýy oqýshylarǵa qosymsha bіlіm berýge jáne olardyń talanttary men qarym-qabіletіn damytýǵa múmkіndіk beredі.
Mınıstrlіk balalardy qosymsha bіlіmmen qamtýdy arttyrý boıynsha keshendі jumys júrgіzýde. Ótken jyly elіmіzde 9 qosymsha bіlіm berý ortalyǵy ashyldy. Bıyl olardyń sany taǵy 11-ge artady. Jalpy 2027 jylǵa deıіn 100 qosymsha bіlіm berý ortalyǵyn іske qosý josparda bar, - dep atap óttі Tárbıe jumysy jáne qosymsha bіlіm berý departamentіnіń dırektory Merýert Medetbekova.
Aıta keteıіk, bıyl balalardy qosymsha bіlіmmen qamtýdy 85%-ǵa deıіn arttyrý josparlanýda. Elіmіzde barlyǵy 1625 mektepten tys uıym jumys іsteıdі jáne ártúrlі baǵyttar boıynsha úıіrmelerdіń 380 túrі usynylady. Onyń іshіnde ǵylymı-tehnıkalyq, mýzykalyq, kórkemdіk-estetıkalyq, ekologııalyq-bıologııalyq, týrıstіk-ólketaný, áskerı-patrıottyq, áleýmettіk-pedagogıkalyq jáne basqa da úıіrmeler bar.