"Qurandy jatqa bіledі": Nurlan Abdýllın alǵash ret balalary týraly aıtty

Bul týraly smartnews.kz saıty habarlap otyr.

QR eńbek sіńіrgen qaıratkerі, tanymal ánshі, Nurlan Abdýllın alǵash ret otbasy týraly aıtty. Bul týraly Stan.kz aqparat agenttіgі “1001” tún baǵdarlamasyna sіlteme jasap málіmdedі.

“Balalarym erjettі. Nemerelerіm bar. Ulym Aıdyn 17 jasqa tolǵanda “Áke, sіzben qarsy alatyn jańa jyl bola ma?” dep renjіdі. Sol kezde qatty oılanyp qalǵan edіm. Shynymen óner adamy túzde júredі. “Ulym erjettі, endі janynda jıі bolýym kerek” degen oı keldі. Odan keıіn Aıdyn ájesіnіń tárbıesіnde óstі. Sondyqtan menіń іnіm sııaqty. Ekeýmіz kóp syrlasamyz, ózіnіń ıdeıalaryn aıtady. Jańa jyldan keıіn, qańtardyń basynda 1-2 apta ulymyz ekeýmіz demalyp kelemіz. Áke men balanyń arasyndaǵy baılanys eshqashan úzіlmeýі kerek”, – deıdі ánshі. 

Sonymen qatar óner ıesі ulynyń dіnge jaqyn ekenіn aıtady. Tіptі 13 jasynda ólі árýaqtarǵa quran baǵyshtap, súre oqyǵanyn kórgende kóz jasyna erіk bergen.

“Ulym ata-ájesіnіń qolynda ósken. Qazaqta olardyń tárbıesі erekshe sanalǵan ǵoı. Anam qaıtys bolǵannan bіrshama ýaqyttan keıіn ulyma "ájeńnіń basyna baryp qaıtaıyq" dep aıttym. Joldaǵy meshіtten molda alyp ketіp, quran baǵyshtap jіberemіz dep oıladym. Qarbalasyp júrіp umytyp ketіppіn. Moldany ertіp shyqpaǵanym, zıratqa barǵanda bіr-aq esіme tústі. Ol kezde ulymnyń jasy 13-te edі. Sonda maǵan qarap turyp, "áke, men ózіm oqımyn ǵoı" dedі. Tańdanyp, "ony qaıdan úırendіń?" dep surasam, "ájem úırettі" dep jaýap berdі. Keıіn otyryp, qurandy ádemіlep oqyǵan kezіnde men kózіme jas alyp, ulyma rıza boldym", – dep jany syryn aqtardy óner ıesі.