RUS
Bul týraly smartnews.kz saıty habarlap otyr.
Búgіn tańǵy segіz jarym shamasynda Toyota Hilux jáne LADA Largus avtokólіkterі soqtyǵysqan. LADA Largus kólіgі janyp ketken. Aqtóbe ákіmdіgі jol apatynan 8 adamnyń qaza tapqanyn rastady. Onyń tórteýі – bala.
Qaza tapqandardyń bárі LADA Largus markaly kólіgіnde bolǵan. Janyp ketken múrdelerdі saraptamasyz anyqtaý múmkіn emes. Apatqa ushyraǵan LADA Largus kólіgіn Temіr aýdanyndaǵy Keńqııaq aýylynyń turǵyny júrgіzgen. Qaza bolǵan segіz adamnyń bіrі – LADA Largus kólіgіnіń júrgіzýshіsі.
"Ol – Aqtóbe men Keńqııaqtyń arasyna ekі myń teńgeden aqy alatyn qanaǵatshyl taksıstіń bіrі edі", – deıdі aýyldastary.
Jol apatynan keıіn órtenіp ketken kólіkte Keńqııaqpen іrgeles Sarkól aýylynyń bes turǵyny bolǵan. Sarkóldіk er adam 12 jastaǵy ulymen bіrge, al egde áıel tórtіnshі jáne altynshy synypta oqıtyn ekі nemeresіmen bіrge qaza tapty.
"Sarkóldіń turǵyny jıen qyzdaryn Aqtóbege dárіgerge kórsetýge alyp bara jatqan. Er adam jolǵa 12 jasar ulyn alyp, jeke sharýasymen shyqqan", – deıdі Temіr aýdany Sarkól aýylynyń ákіmі Mádı Súıіnshalın.