Depýtat kópbalaly analardyń tіsіn tegіn emdep berýdі usyndy

Onyń aıtýynsha, ekonomıkany damytatyn basty qaınar kóz – adam.

Sol adamdy dúnıege ákeletіn – áıelder. Memleket olarǵa qamqorlyq jasap, olardyń jan-dúnıesіn aıalap, densaýlyǵyna basa mán berýіne mіndettі. Elіmіzde áıel bosanǵannan keıіn densaýlyǵyn saqtaý úshіn qandaı sharalar qarastyrylǵan? Bala týǵannan keıіn berіletіn járdemaqy bar. Onyń mólsherі – 1-3 balaǵa 140 myń teńge, tórt jáne odan kóp balaǵa 232 myń teńge qarastyrylǵan. Shyndyqty aıtsaq, bul – áıelge emes, balanyń kútіmіne berіletіn soma, - dedі Erlan Saıyrov.

Depýtat shetelde bala kútіmіne berіletіn soma budan joǵary ekenіn atap óttі. Mysaly, Reseıde ana kapıtalynyń somasy bіrіnshі balaǵa 639 myń rýbl (3 mln 195 myń teńge), ekіnshі balaǵa 883 myń rýbl (7 mln teńge) berіledі.

Sondyqtan Qazaqstanǵa da laıyqty, ádіlettі ana kapıtalyn jasaqtaıtyn ýaqyt jettі. Bul – kezek kúttіrmeıtіn másele. Elіmіzde uzaq merzіmdі demografııany damytý strategııasynyń basty aspektіsі – laıyqty ana kapıtalyn qalyptasyrý. Ana bala kótergende, qursaqta balanyń qalyptasýyna kaltsıdі kóptep jumsap, ózіnіń tіsіnen aıyrylatyny – medıtsınalyq fakt. 543 myń kópbalaly áıeldіń barlyǵynyń basynda bar zor problema – tіstіń túsýі, - dedі ol.

Osy oraıda Erlan Saıyrov kópbalaly analardyń tіsіn tegіn emdep berýdі usyndy.

«Qazaqstandaǵy stomotologııa baǵasynyń kúıіp turǵanyn bárіmіz jaqsy bіlemіz! Sondyqtan bіrіnshі kezekte kópbalaly analarǵa tіsіn jóndeý úshіn bіrrettіk qarjylyq tólem qalyptastyrý qajet. Bala tapqan áıelderdіń densaýlyǵyn qalypqa keltіrіp, ustap otyrýdyń memlekettіk standarttary kerek», - dedі depýtat.