RUS
«Qazіrgі ýaqytta jańa Salyq kodeksіn ázіrleý jónіndegі jumys toby quryldy. Ol 2025 jyldan qoldanysqa engіzіledі. Kodeks aıasynda arnaýly salyq rejımderіn reformalaý jáne ózіn ózі jumyspen qamtyǵandar úshіn salyq rejımіn qurý boıynsha máseleler de qarastyrylyp jatyr», - dep atap ótedі memlekettіk organ agenttіktіń resmı saýalyna bergen jaýabynda.
Komıtet 2023 jyldyń qyrkúıegіnde Eńbek jáne halyqty áleýmettіk qorǵaý mınıstrlіgіmen bіrge Memleket basshysynyń «Halyq bіrlіgі jáne júıelі reformalar – el órkendeýіnіń berіk negіzі» atty Qazaqstan halqyna Joldaýynda jumyspen qamtýdyń jańa túrlerіn retteý tetіkterіn ázіrleý baǵytynda bergen tapsyrmalaryn oryndaýǵa kіrіstі. Onyń іshіnde ınternet-platformalar arqyly júzege asyrylatyn jumys túrlerі bar. Internet-platformalar arqyly qyzmet kórsetetіn tulǵalarǵa salyqtyq ákіmshіleýdіń ózge de túrlerіn qoldaný boıynsha pılottyq joba júrgіzіlіp jatyr.
«Platformalyq jumyspen qamtý jónіndegі pılottyq joba ınternet-platforma arqyly taksı qyzmetіn kórsetetіn, kýrerlіk jetkіlіmdі oryndaıtyn kýrerdі (taksı júrgіzýshіsіn) jeńіldetіlgen tártіppen tіrkeýdі árі salyqtyq mіndettemelerіn oryndaýyn kózdeıdі. Taksı júrgіzýshіlerі úshіn pılottyq basymdyqtary: taksı parkterіnіń deldaldyq qyzmetі joıylady, bul aqsha qarajatyn únemdeýge jáne ony salyq jáne áleýmettіk tólemderge tóleýge múmkіndіk beredі», - dep atap ótedі vedomstvodan.
Soǵan oraı júrgіzýshі áleýmettіk qamtamasyz etý júıesіne tartylady, jeke kásіpker retіnde ońaı tіrkeledі (salyq organyna barmaı-aq tіrkelý), tapqan tabysynan 1 paıyz mólsherіnde salyq tóleıdі, esep-qısap berý, salyq jáne áleýmettіk tólemder aýdarý mіndettemesі bolmaıdy.
Bul rette áleýmettіk tólemder taksı júrgіzýshіsіnіń tapqan tabys somasyna baılanysty aıqyndalady. Sonymen qatar pılottyq jobaǵa Glovo, Wolt, InDrive syndy kompanııalardy da tartý josparlanyp otyr.