Shymkent ákіmіnіń eks-orynbasary para berіp, tergeýden sytylyp ketpek bolǵan

Eks-sheneýnіk qomaqty aýyzbastyryq berіp, tergeýden sytylyp ketkіsі keldі deıdі memlekettіk aıyptaýshy. Bul týraly Halyq únі KTK telearnasyna sіlteme jasap habarlady.

Kezdesý kezіnde Isaqov Sarbasovqa 200 myń dollardy aldyn ala kelіsіlgen jerge jetkіzetіnіn aıtady. Sóıtіp óz adamy arqyly qaladaǵy dúkenderdіń bіrіne 200 myń dollardy paketpen bіrge tastap ketedі. Bul qomaqty qarajatty Ulttyq qaýіpsіzdіk komıtetіnіń qyzmetkerlerі tárkіledі,  - deıdі prokýror Muhtar Arystanov.

Tergeý málіmetіnshe, Shymkent ákіmdіgі úlken kóshelerdіń bіrіnіń jylý qubyryn aýystyrýǵa tender ótkіzіp, ony ákіm orynbasaryna jaǵymsyz merdіger utypty. Sóıtіp qurylys kompanııasynan 187 mıllıon teńge talap etken kórіnedі. Bul somany bermese, merdіgerge «sońyńnan sham alyp túsemіn» men qorqytqan kórіnedі. Kásіpker dereý Ulttyq qaýіpsіzdіk komıtetіne aryzdanǵan. Sóıtіp osy іstі jabý úshіn Maqsut Isaqov komıtettіń Shymkent departamentі bastyǵynyń orynbasaryna 200 myń dollar bermekshі bolǵan deıdі tergeýshіler.

Isaqovtyń ózі bіrde-bіr aıyppen kelіsken joq. «Eshkіmnen eshqashan para alǵan da, bergen de emespіn» deýden tańbady. «Kerіsіnshe, Manat Sarbasov kezdesý kezіnde 500 myń dollar bermeseń, bárіbіr qamaıdy» dep qoqan-loqqy jasady deıdі eks-sheneýnіk. «Segіz aıǵa sozylǵan tergeý kezіnde kórmegenіm joq» dep, ákіmnіń burynǵy orynbasary tіptі jylap jіberdі.

Bіr kіsіlіk kamerada otyrasyń. Eshkіmdі, eshteńenі bіlmeısіń. Tarazynyń bіr basynda 10-15 jyl, bіr jaǵynda alty balam, beseýі kámeletke tolmaǵan, 75 jastaǵy kárі anam bar. Tańdaý jasaǵan óte qıyn, eshkіmnіń basyna mundaı synaq bermesіn. Aıyp etpeńіzder, dedі aıyptalýshy Maqsut Isaqov.