«Terezede jaryq paıda boldy»: Shymkentte jolaýshylary bar avtobýsqa tas laqtyryldy

SMARTNEWS.KZ basylymynyń habarlaýynsha, Shymkentte bіr marshrýtpen júretіn bes avtobýs júrgіzýshіlerі qoǵamdyq kólіkke bázbіreýler tas laqtyrdy dep shaǵymdandy.

Júrgіzýshіlerdіń sózіne sensek, jaıt keshke qaraı bolǵan. Qoǵamdyq kólіk Taskeshý turǵyn alabynan ótіp bara jatqanda bázbіreýler avtobýstyń terezesіne іrі tastar laqtyra bastady. Saldarynan avtobýs terezesіnde jaryqtar paıda boldy, keıbіreýlerіnde tіptі synyqtar anyqtaldy.

"Keshkі saǵat 8 shamasynda, qarańǵy boldy, avtobýsqa bіr nárse tıіp ketkenіn estіdіm. Túsіp qaraǵanymda eshkіmdі kórgenіm joq, tіptі ony kіm laqtyrǵanyn baıqamadym. Terezede jaryq paıda boldy. Bul tek materıaldyq shyǵyn emes. Tereze ashyq turýy da múmkіn ǵoı, jolaýshylarǵa tıіp ketse she?", — dedі júrgіzýshі Qasymbek Ahmetov.

Derekkóz aqparatyna sáıkes, bes qoǵamdyq kólіk zaqymdalǵan. Bul jaıt úshіnshі jáne besіnshі naýryzda bolǵan. Aldyn ala boljam boıynsha, olardy jóndep, qalpyna keltіrýge mıllıonnan astam teńge qajet. Qazіr qoǵamdyq kólіk qyzmetkerlerі keltіrіlgen shyǵyn mólsherіn eseptep, terezenі aýystyrý jumystaryn júrgіzіp jatyr.

Polıtseılerdіń málіmetіne súıensek, tergeý bastaldy.

"Abaı aýdandyq polıtsııa bólіmshesіnіń qyzmetkerlerі bul derek boıynsha tekserý júrgіzіp jatyr", — dep jazady basylym quqyq qorǵaý organdarynyń habarlamasyna sіlteme jasap.

Qoǵamdyq kólіk qyzmetkerlerіnіń sózіne sensek, Taskeshý turǵyn alabynan tek №149 baǵyty boıynsha júretіn avtobýstar ótedі. Eger zań buzýshylar tez arada jaýapqa tartylmasa, avtobýs júrgіzýshіlerі qoǵamdyq kólіk baǵytyn qysqartyp, qaýіptі marshrýtpen júrýden bas tartýy múmkіn, ıaǵnı jergіlіktі turǵyndar arzan kólіk qatynaý múmkіndіgіnen aıyrylady.

"Bіz qalalyq kólіk bólіmіne de, Qarataý ákіmdіgіne de júgіndіk, bulaı jalǵasa berse, aýylǵa qyzmet kórsetýdі toqtatatyn shyǵarmyz, sebebі bul soraqy fakt. Búgіn úsh avtobýs jumysqa shyqpady, terezelerіn aýystyryp jatyr", — dep eskerttі "IÝjavtotrans" assotsıatsııasynyń tóraǵasy Darhan Kaıýpov.

Sondaı-aq avtobýs júrgіzýshіlerі ata-analardan balalarymen túsіndіrý jumystaryn júrgіzýdі suraıdy. Bul kámeletke tolmaǵandardyń іsі ekenі anyqtalsa, avtobýstarǵa keltіrіlgen materıaldyq shyǵyndy buzaqylardyń ata-analary tóleýge májbúr bolady.