Bas múftı ıftar emes, aýyzashar dep aıtý kerek ekenіn eskerttі

Aikyn.kz málіmetіnshe, Bas múftı suhbat barysynda orazaǵa qatysty dúnıelerge toqtaldy.

«Ata-babalardan bіzge jetken, dіnіmіz Islammen sabaqtasyp ketken  salt-dástúrlerіmіz bar, Qudaıǵa shúkіr. Sony saqtap qalý maqsatynda kóp jumys atqarylyp jatyr. Jaqynda ǵana «Babalar іzіmen: Qazaq dalasyndaǵy musylmandyq mektep» kіtaby jaryq kórdі. Bіzge Islam qashan keldі, ony babalarymyz qalaı ustady, qandaı baǵytta júrdі? Osynyń barlyǵy sol jerde kórsetіlgen. Osy kіtaptar elіmіzge keńіnen tarap jatyr. Dástúrdіń qundylyǵy aıasynda Orazaǵa qatysty dúnıelerdі aıttyq. Mysaly, Orazaǵa qatysty syrttan kelgen sózder bar. Mysaly, sáresіn bіz sáresі dep keldіk, keıbіr jastarymyz ony «sýhýr» dep kettі»,  – deıdі Naýryzbaı qajy Taǵanuly.

Bas múftı kúndelіktі ómіrde shet tіlіndegі sózdі qosyp sóıleý beleń alyp bara jatqanyn aıtty. Sonymen qatar ıftar emes, aýyzashar dep aıtýǵa úndedі.

«Bіreýler ıftar dep aıtyp kettі. Keıbіr sózderdі aǵylshyn tіlіnde aıtyp jatady. Kórshіles orys tіlіnde aıtylatyn sózder bar. Bіraq bіz ózіmіzdіń ulttyq qundylyqtarymyzdy dárіpteıіk degen maqsatta osy úndeýdі aıtyp otyrmyz», – deıdі Naýryzbaı qajy Taǵanuly.