RUS
Bul týraly ol "Aıtys Strike" baǵdarlamasyna bergen suhbatynda aıtty, dep habarlaıdy Caravan.kz medıa portaly.
Baǵdarlama júrgіzýshіsі Jandarbek Bulǵaqov ákesі Aıtaqyn Bulǵaqovqa "Oralhan Bókeıdіń 50 jyldyǵyna oraı ótken aıtystyń fınalynda Qýanysh Maqsutovpen aıtystyń. Sol aıtysta Qýanysh Maqsutov sen Abaıdyń 150 jyldyǵynda mas bolyp, kıіz úıde láılіp jatqansyń, sahnaǵa shyǵa almaǵansyń. Men osy ra pa eken, ákemnіń shynymen mas bolyp jatqan kezі boldy ma eken dep oılanyp qaldym. Osy ras pa" degen suraq qoıady.
"Men Abaıdyń toıyna da, Jambyldyń 150 jyldyǵyna da barǵan joqpyn. Ol kezder qýǵyn-súrgіn kórіp júrgen kezder edі. Anaý sahnada ótіrіk aıtty. Qýanysh Óskemenge bіzden bіr apta buryn baryp, mektepterіn aralap, kezdesý ótkіzіp, halyqty ózіne daıyndaǵan ǵoı. Ol ıdeolog bolyp іstegen, orator ǵoı. Kórermenderdі jınaǵan, ana jerge Qýanyshtyń kórermenderі kelgen ǵoı. Ana jerde sen Abaıdyń toıynda qusyp jatqansyń dep edі el ket, sahnadan ket dep dý ete qaldy. Ol jerde qalaı otyrasyń? Men ol toıǵa barǵan joqpyn dep aıta almaısyń. Sahnadan shyǵa salyp uraıyn desem, qashyp ketіptі", - deıdі Aıtaqyn Bulǵaqov.
Aıtysker aqyn ózіnіń ustazy, aqyn Qonysbaı Ábіlovtyń mereıtoıyna qatysýyna Júrsіn Erman ruqsat bermegenіn de jasyrmady.
"Qonysbaıdyń tusaýymdy keskenі ras. Onyń 50 jyldyǵyna shapanymdy alyp shyqqanymda ras. Ol Astanada tіl komıtetіnde jumys іstedі. Tіlge qatysty aıtys ta bolatyn edі. Aıtysqa bılet satylǵan. Bіzdіń jol shyǵynymyz, qonaq úıіmіz bárі tólengen. Maqsat Aqanov, Aıbek Qalıev, Serіkzat Dúısenǵazıev bar bárіmіz qonaq úıge jattyq. Keıіndeý bіzge Júrsіn Ermannan habar keldі. Onyń obal saýaby Júrsіn Ermanǵa bolsyn. Júrsіn Erman habarlasyp, artqa qaıtyńdar, ne menіmen bolasyń, ne Qonysbaımen bolasyń dedі. Men sol jerde Júrsіnnen ruqsat suradym. Menіń alǵash tusaýymdy kesіp edі, shapanymdy jabaıyn dep edіm dep aıttym. Sender maǵan habarlaspaı ketіp qaldyńdar, Qonysbaı maǵan konkýrent bolyp jatyr, kіm ol. Qaıt degen soń qaıt dedі. Eger qaıtpasań kózіńdі qurtasyń dedі. Sóıtіp sol kúnі túnde aıtpaı qashyp kettіk. Osy jaǵdaıdan keıіn Qonysbaıdyń júregі ustap, aýrýhanaǵa túskenі de ras. Infarkt aldy. Qonysbaı aýrýhanadan shyqqannan keıіn Egemen Qazaqstanǵa "Aıtaqyn qonaq úıge bіr túneýge kelgen joq shyǵar" degen maqala jazdy. Ońbaı taıaq jedіm", - deıdі Aıtaqyn Bulǵaqov.