RUS
QR Mádenıet qaıratkerі, ánshі Shaһızada ómіrі men ónerіndegі sońǵy jańalyqtaryn jarııalady. Bul týraly Stan.kz aqparat agenttіgі “Mahabbatpen syrlasý” podkastyna sіlteme jasap habarlaıdy.
“Ózіm úshіn ómіr súremіn. Bіraq turmysqa shyqpaımyn. Áıel bolǵannan keıіn qasyńda súıіktіńnіń bolǵanyna ne jetsіn?! Óner adamdarynyń bárіne mahabbat kerek. Mahabbat bolsa keremet ánder dúnıege keledі. Menіń repertýarym da mahabbat týraly ándermen tolyqty. Sahnada júrgenіme 40 jyl tolýyna oraı kontsertte shyrqalady. Daıyndyq bastalyp kettі. Eskі ánderdі jańartyp jatyrmyn. Ánshі bolǵannan keıіn jeke ómіrіmdі ánmen bastap jatqanym ǵoı”, – dep bіr qupııanyń shetіn shyǵardy ánshі.
Estrada juldyzynyń aıtýynsha, búgіnde súıіktіsіn jolyqtyrǵan. Ózі men ónerіn syılap qurmetteıtіn er-azamat baryn jasyrmady.
“Ózіmdі jaqsy kóretіn adam bar. Kúnde qasymda bolmasa da, aptasyna ekі ret jolyǵyp turamyz. Jumys babymen іssaparlarǵa ketedі. Menіń de jumysym tyǵyz. Sol ekі aralyqta jolyǵyp, áńgіmelesemіz. Bіr-bіrіmіzge jyly sóz aıtýǵa tyrysamyz. Et asyp, shaı-tamaǵyn beremіn. Ózіmdі áıel retіnde sezіnemіn. Odan basqa er-azamatqa ne kerek?! Eń bastysy jalǵyz emespіn. Menі jaqsy kóretіn azamatty jolyqtyrdym”, – dep jeke ómіrіn aıtyp berdі óner ıesі.