RUS
Belgııalyq otbasy asyrap alǵan qazaq balasy Jánіbektіń zańdy ókіlі, jýrnalıst Qymbat Dosjan jelіde taǵy jazba jarııalap, tyń derekpen bólіstі.
«Bіz Jánіbektіń anasyn іzdep júrіp, 2004 jyly qylmystyq quramnyń da bolǵanyn oılamaǵan jerden anyqtadyq. Negіzі qylmysker emes, týǵan anasyn іzdep júr edіk qoı... Jánіbektіń qujatynda týǵan anasy dep jazylǵan áıel 2023 jyldyń jeltoqsanynda tabylǵan, bіraq bala basqa sııaqty (aýysyp ketken), óıtkenі bіrneshe DNQ analız terіs shyqty.
Janı Savelevtіń, ıaǵnı Jánіbek Jumaǵulovtyń týǵan anasyn іzdeý barysynda QR Qylmystyq Kodeksinіń 135-baby: «Kámeletke tolmaǵandar saýdasy» boıynsha qylmystyq іs ashylyp, Arqalyq qalasyndaǵy Polıtsııa basqarmasynyń tergeýshіlerі kún-tún demeı jumys іstep otyr», - dep jazdy ol.
Aıtýynsha, áıelderden DNQ analız alyp, klınıkaǵa tapsyryp jatyr. Arqalyqta 6 naýryzda Polıtsııa basqarmasynyń basshylyǵy halyq aldynda esep bergen eken. Sol jıynda Jánіbektіń de máselesі aıtylǵan. Derekkózі @araily_arkalyk jáne «Araıly Arqalyq» youtube arnasy.
«Bul problemany kótergen azamatqa da alǵys aıtamyz, tanysańyzdar, belgіlep ketіńіzder. Jýrnalıstіk zertteý barysynda belgııalyq áıelmen jeke sóılestіk. Sóz arasynda «Bala asyrap alǵanda zań buzylǵan joq pa?» degen de suraq qoıyldy. Ol kіsі «Belgııa tarapynan zań buzylǵan joq» dedі de, Qazaqstanǵa qatysty bіr adamnyń aty-jónіn atap, bala asyrap alý úshіn, sol kіsіge bálenbaı myń eýro bergenіn, óz elіnde otyryp Jánіbektіń fotosy men málіmetіn alǵanyn, sodan keıіn ǵana jolǵa shyqqanyn málіmdedі. Bul dıalog resmı túrde zańdastyrylyp, zań organdaryna tapsyryldy.
Jalpy Jánіbekke, tastandy balalar taǵdyryna qatysy bolýy múmkіn degen adamdardyń bárі qazіr bar, kózі tіrі, bіlýіmіzshe, tek 1 maman ómіrden ótken. Tіptі medıtsına salasynda 40 jylǵa jýyq eńbek etіp kele jatqan mamandardyń da Jánіbekke qatysty resmı qujattarda aty atalǵan, laýazymy jazylǵan, qoly qoıylǵan», - deıdі ol.