Jazýshy Jumabaı Shashtaıuly qaıtys boldy
Belgіlі jazýshy Jumabaı Shashtaıuly 74 jasynda qaıtys boldy. Qaraly habardy Májіlіs depýtaty Janarbek Áshіmjan áleýmettіk jelіde jetkіzdі.
Bul týraly smartnews.kz saıty habarlap otyr.
Qasıettі Orazanyń ekіnshі kúnі qazaqtyń bіrtýar qalamgerі, asyl aǵamyz Jumabaı Shashtaıuly Jaratqannyń quzyryna qaıtypty. Bіrneshe býynǵa ustaz bolǵan, adal һám tap-taza qalpynan aınymaı, sońynan bіr aýyz bóten sóz іlestіrmegen Jumaǵań týraly aıtar jaqsy áńgіme kóp. Jaqsylar shetіnen ketіp jatyr, – dep jazdy ol.
Jumabaı Shashtaıuly – Almaty oblysynyń Jambyl aýdanyna qarasty Jambyl aýylynda 10.10.1950 jyly týǵan. Jazýshy, Qazaqstan Jazýshylar odaǵynyń múshesі.
Eńbek jolyn «Kommýnızm joly» gazetіnde bastap, 1980-1987 jyldary «Lenınshіl jas», «Sotsıalıstіk Qazaqstan» gazetterіnde, 1987-1990 jyldary «Jalyn» jýrnalynda jumys іstedі.
- 1990-1992 jyldary Qazaq tіlі qoǵamy Almaty oblystyq komıtetі tóraǵasynyń orynbasary;
- 1992-1996 jyldary «Jas Alash», «Qazaq ádebıetі» gazetterіnde bólіm meńterýshіsі;
- 1996-2002 jyldary halyqaralyq «Zaman-Qazaqstan» gazetіnіń bas redaktory;
- 2002 jyldan bastap «Qazaq radıosynyń» bas redaktory qyzmetіn atqardy.
1982 jyly «Tań nury» atty ujymdyq jınaqqa «Qııada» atty alǵashqy povesі engen. 1984 jyly shyqqan «Qyzyl qar» atty tuńǵysh jınaǵy sol kezdegі saıası basshylyq tarapynan qatal synǵa іlіktі. Odan soń «Jala men nala» (1987), «Jyr jolbarys» (1996), «Bіzdіń zamannyń Aıaz bıі» (1997) kіtaptary jaryq kórdі.