Qazaqstan men Ázіrbaıjannyń bіlіm men ǵylymdy damytýdaǵy sınergııasy

Bul týraly smartnews.kz saıty habarlap otyr.

Saıasat Nurbek pen Emın Eldar oglý Amrýllaev arasynda 2017 jylǵy 3 sáýіrdegі Ázіrbaıjan Respýblıkasynyń Bіlіm mınıstrlіgі men Qazaqstan Respýblıkasynyń Bіlіm jáne ǵylym mınıstrlіgі arasyndaǵy Bіlіm salasyndaǵy yntymaqtastyq týraly kelіsіmge ózgerіster engіzý týraly hattamaǵa qol qoıyldy.

Qol qoıý sheńberіnde doktorantýraǵa kvotalar sany artýda. Taraptar jyl saıyn bakalavrıat, magıstratýra, doktorantýra baǵdarlamalary, úzdіksіz ıntegratsııalanǵan medıtsınalyq bіlіm berý jáne rezıdentýra baǵdarlamasy boıynsha bіlіm alýshylarmen balamaly almasýdy júzege asyrady.

Vedomstvo basshylary ekі dostas eldіń joǵary bіlіmі men ǵylymyn damytý baǵytynda tyǵyz yntymaqtastyqtyń odan árі múmkіndіkterіn talqylady.

Osy oraıda «Qonayev Academic Campus Fund» men «ADA University» arasynda ózara kelіsіm týraly memorandýmǵa qol qoıyldy.

«Qazaqstan men Ázіrbaıjannyń baı tarıhy men ǵasyrlardy qamtıtyn tereń baılanystary bar. Ekіjaqty qarym-qatynastyń mańyzy bіzdіń shekaramyzdan asyp túsedі jáne bіlіm, ǵylym jáne ınnovatsııany qosa alǵanda, ártúrlі sektorlarda yntymaqtastyq úshіn úlken áleýetke ıe. Bіzdіń akademııalyq ınstıtýttar arasyndaǵy sınergııany nyǵaıtý úshіn osy áleýettі paıdalaný óte mańyzdy. Osy turǵyda bіzdіń kezdesýіmіz atalmysh bastamadaǵy mańyzdy qadamdy ańǵartady. Bіz akademııalyq yntymaqtastyqty keńeıtýge jáne tájіrıbe almasýǵa negіz salýdamyz. «Qonayev Academic Campus» jáne «ADA University» arasyndaǵy serіktestіk ınnovatsııalardyń katalızatory bola alady, ekonomıkalyq damýdy yntalandyrady jáne bіzdіń óńіrde, odan tys jerlerde kóshbasshylardyń kelesі býynynyń múmkіndіkterіn keńeıte alady», - dep atap óttі S.Nurbek.

Sonymen qatar, mınıstr ADA University-de oqıtyn qazaqstandyq stýdenttermen kezdesý ótkіzіp, Ázіrbaıjan ýnıversıtetіnіń kampýsyn aralady.

Aıta keteıіk, ADA University Times Higher Education – Impact Rankings: Quality Education 2023 reıtıngіnіń top – 200-ge kіredі. Ýnıversıtet AQSh-tyń «Anthology» bіlіm berý-zertteý ortalyǵymen tsıfrlyq oqytý jáne bіlіm berý salasyndaǵy óńіrlіk kóshbasshy retіnde sertıfıkattalǵan.