RUS
Bul týraly QR Ulttyq bank tóraǵasy Tımýr Súleımenov málіmdedі.
«2024 jylǵy aqpanda jyldyq ınflıatsııa 9,3% deıіn baıaýlady. Inflıatsııa men ınflıatsııalyq kútýlerdіń tómendeýіne baılanysty Ulttyq bank aqpanda bazalyq stavkany 14,75% deıіn, ıaǵnı 50 bazalyq tarmaqqa tómendettі», – dedі T.Súleımenov búgіngі Úkіmet otyrysynda.
Sondaı-aq ol jyldyq ınflıatsııanyń baıaýlaý qarqyny azaıǵanyn atap óttі. Aqpanda aılyq ınflıatsııa ortasha tarıhı mánderden joǵary qalyptasty. Maýsymdyq jáne ákіmshіlіk faktorlardan basqa naryqtyq taýarlar men qyzmetter baǵasy tez ósken.
«Qazіrgі jaǵdaıda aqsha-kredıt saıasatyn jumsartý múmkіndіgі aıtarlyqtaı shekteýlі. Inflıatsııa faktorlarynyń qalyptasqan balansy, onyń aılyq qarqynynyń dınamıkasy aldaǵy ýaqytta sheshіm qabyldaýda bazalyq stavkanyń sol deńgeıde saqtalý yqtımaldyǵyn arttyryp otyr. Derekterdі jınaý, ekonomıkalyq jáne fıskaldyq reformalardyń іske asyrylýyn monıtorıngteý qajet», – dedі Ulttyq bank tóraǵasy.