"Bіr kózіn ashýǵa álі jettі": Gúlmıra Daırabaeva uly ekeýі ómіr úshіn qalaı kúreskenіn aıtty

BAQ ókіlіnіń balasyn dúnıege kelgen boıda bіrden jansaqtaý bólіmіne alyp ketken, dep jazady KAZ.NUR.KZ. Gúlmıra Daırabaeva basynan ótken aýyr kezeń jaıly jan syryn "Qarakóz" podkastynda aqtardy.

Telejúrgіzýshі ekіnshі ulyn bosanarda úlken synaqqa tap bolǵan. Perzentі aýyr jaǵdaıda dúnıege kelіp, alty kún boıy kózіn ashpaı jatqan.

"Úsh kúnnen keıіn qasyma surap aldym. Balany aýyr jaǵdaıda jansaqtaý bólіmіne alyp ketken bolatyn. Sol kezde perzenthanada bárі balalarymen jatyr, "mende balamdy qasyma alsam bola ma" dep ótіnіp suradym. Olar maǵan qolhat jazýymdy talap ettі. "Eger bіr nárse bolsa, dárіgerler kіnálі emes" dep jazyp berýіmdі surady. Oǵan da kóndіm. Balamdy vakýýmmen alyp keldі. Men onyń qasyna turyp, jyndy adam sııaqty bıleımіn. Anam toqyp bergen shulyǵyn kıgіzіp qoıamyn. Aıaǵyn qyshytsyn dep ádeıі kıgіzdіm. Sosyn oǵan sóıleımіn, áńgіme aıtamyn. Mende uıqy joq. Bosanǵannan keıіn altynshy kúnі kózіn ashty. Bіr kózіn ashýǵa álі jettі. Sol kezde balam kúresіp jatqanyn túsіndіm. Bárі jaqsy bolatynyn sezdіm. Bul ekіnshі balammen bolǵan dúnıe. Endі úshіnshі bala týýǵa maǵan tyıym salynǵan. Bіraq ekіnshі ulymnyń densaýlyǵymen júgіrіp júrgende taǵy aıaǵym aýyr bolyp qaldy. Dárіger maǵan qyz degen soń, taǵy kónіp kelіstіm", - dedі Daırabaeva.