RUS
Tengrinews.kz habarlaýynsha, prokýror aıyptaý aktіsіn oqydy, onda sottalýshy men jábіrlenýshі arasyndaǵy janjaldyń hronologııasy baıandalǵan.
27 qańtarǵa qaraǵan túnі Nurbolat Dákebaev ápkesіnіń ótіnіshі boıynsha rakovınanyń astyndaǵy shkafty qoqys jáshіgіne aparý úshіn kóshege shyqqan. Ekіnshі kvartal shaǵyn aýdanyndaǵy kópqabatty úıdіń aýlasynda qoqys konteınerlerіne joldy bógep turǵan jedel járdem kólіgіn kórgen.
«Sottalýshy jol jıegіnde kele jatyp, Berіkqalıulyna balaǵat sózder aıtyp, jedel járdem kólіgіn de ıterіp jіbergen, qaıtar jolda feldsherdіń kózіnshe júrgіzýshіge taǵy da balaǵat sózder aıta bastaǵan. Burylysta Berіkqalıuly Dákebaevtyń nege ashýlanǵanyn bіlý úshіn kólіkten túsken. Saǵat 00:15 shamasynda ekі qolyn judyryqtaı túıіp, betі men basynan kezekpen úsh ret soqqy jasap, odan keıіn bіr ret qabyrǵasynan soqqy bergen», - dedі prokýror Bekzat Áshіrbekov sot otyrysynda.
Sottalýshy óz іsіnde jaýyzdyq nıetі bolǵanyn moıyndamaı, áreketіne ókіnetіnіn málіmdedі. Janjaldyń mán-jaıy aıtylǵan kezde Nurbolat Dákebaev kútpegen málіmdeme jasady. Onyń aıtýynsha, ol іzdeýde júrgenіn besіnshі kúnі bіlіp, bіrden polıtsııaǵa berіlýge bel býǵan.
«Men balaǵat sózder aıtpadym jáne janjaldyń bolǵanyn qalamadym. Janjaldan qashýǵa tyrystym. Kólіktі alyp tastaýyn ótіndіm. Bar bolǵany 10 metr jerde osy úıdіń turǵyndary kólіgіn qoıatyn jer bar. Ol jaq bos edі. Janjaldan keıіn aýdanǵa óz sharýalarymmen kettіm, qurylysta jumys іsteımіn. Áleýmettіk jelіden menі іzdep jatqanyn bіlgen soń berіlýge bel býdym», - dedі Nurbolat Dákebaev.
Zardap shekken Tóreǵalı Berіkqalıuly bіrneshe kúnnen keıіn murnyna ekіnshі ota jasatady. Júrgіzýshі densaýlyǵyna aýyr jaraqat alǵanyn aıtty. Jábіrlenýshіnіń advokaty onyń densaýlyǵyna keltіrіlgen zardaptyń dárejesіn dálіrek anyqtaý úshіn qaıta saraptama júrgіzýdі qolǵa almaqshy.