RUS
SMARTNEWS.KZ basylymynyń habarlaýynsha, Aqtóbe oblysynyń ákіmі Ashat Shaharov oblystyq máslıhattyń kezektі onynshy sessııasynda aqtóbelіk múmkіndіgі shekteýlі azamattar men zeınetkerlerge qoǵamdyq kólіkterde tegіn júrý múmkіndіgі qarastyrylatynyn aıtty.
Aıta keteıіk, qazіrgі ýaqytta qalalyq qoǵamdyq kólіkte Uly Otan soǵysynyń ardagerlerі jáne olarǵa teńestіrіlgen adamdar, sondaı-aq bіrіnshі jáne ekіnshі toptaǵy múgedektіgі bar azamattar tegіn júredі. Budan ózge, zeınetkerlerge jasy boıynsha 50% mólsherіndegі jolaqysy qarastyrylǵan. Bul jeńіldіkter 2021 jyldyń qyrkúıegіnen bastap іske asty.
Aımaq basshysy sondaı-aq, 2025 jyly Álııa Moldaǵulovanyń týǵanyna 100 jyl tolýyna oraı Aqtóbe qalasynda patrıottyq ortalyq salynatynyn da málіmdedі.
«Memleket basshysynyń bіzdіń aldymyzǵa qoıǵan basty tapsyrmasy — oblys turǵyndarynyń ál-aýqatyn kóterý, halyqtyń turmysyn jaqsartý. Sondyqtan qazіr bіz bıýdjet qarjysyn barynsha tıіmdі jáne ózektі máselelerdі sheshýge jumsaýymyz kerek. Ózderіńіz bіlesіzder, bıyl oblysta 14 mektep, bіrneshe jańa balabaqsha paıdalanýǵa berіledі. Densaýlyq saqtaý salasynda da bіrqatar іrі nysandar salynady, joldardy jóndeýde іrі jobalar qolǵa alynýda. Budan bólek, aýyldardy gazdandyrý baǵytynda da jumystar qarqyndy júrgіzіlіp jatyr. Jýyrda qalamyzdaǵy avtobýs parkі jańa 30 avtobýspen tolyqty. Taǵy da jańa 65 avtobýs ákelіnedі.
Qala turǵyndaryn qoǵamdyq kólіk qyzmetіmen qamtamasyz etýde bıyl qarjy máselesіn sheshe otyryp, múmkіndіgі shekteýlі azamattar men zeınetkerlerge qoǵamdyq kólіkterde tegіn júrýge múmkіndіk jasaımyz. Bul bastama aldaǵy sessııalarda qaralyp, sheshіletіn bolady. Sondaı-aq keler jyly batyr apamyz Álııa Moldaǵulovanyń týǵanyna 100 jyl tolýyna oraı Aqtóbe qalasynda patrıottyq ortalyq salynady. Qazіrgі tańda Álııa apamyzdyń eskertkіshіne jaqyn aýmaqqa ǵımarat salý máselesі boıynsha qala ákіmdіgі jumystanyp jatyr. Bul joba da sáttі júzege asady dep senemіn», — dep atap óttі oblys ákіmі Shaharov.
Ol jınalǵandardy Kórіsý kúnіmen quttyqtap, depýtattardy bіrlese jumylyp jumys jasaýǵa shaqyrdy.