RUS
SMARTNEWS.KZ basylymynyń habarlaýynsha, Jezqazǵan soty Ulytaý oblysynyń mádenıet, tіlderdі damytý jáne arhıv іsі basqarmasy men tarıhı-mádenı murany saqtaý ortalyǵynyń basshylaryna qatysty paraqorlyq faktіsі boıynsha úkіm shyǵardy.
Tergeý derekterіne sáıkes atalǵan laýazymdy tulǵalar oblys aýmaǵyndaǵy ejelgі qorymdardaǵy arheologııalyq qazbalar jónіndegі jumystardy memlekettіk satyp alý sharty boıynsha aktіlerge qol qoıǵany jáne jalpy qamqorlyǵy úshіn merdіger uıym ókіlіmen sóz baılasyp, 2 mıllıon teńge kólemіnde para alǵan.
Sot úkіmіmen osy memlekettіk mekemelerdіń basshylaryna árqaısysyna 6 jyl bas bostandyǵynan aıyrý jazasy taǵaıyndaldy.
"Mádenı murany zertteý jáne saqtaý ortalyǵy" JShS merdіger kompanııasynyń ókіlіne 3,5 jylǵa bas bostandyǵynan aıyrý jazasy taǵaıyndaldy. Sottalǵandardyń bárі ómіr boıy memlekettіk qyzmette jumys іsteý quqyǵynan aıyrylady", – delіngen sot habarlamasynda.
Belgіlі bolǵandaı, jemqorlyqtyń aldyn alý, qoǵamda sybaılas jemqorlyqqa qarsy mádenıettі qalyptastyrý maqsatynda sot protsesі ashyq formatta ótkіzіlіptі. Sonymen qatar protseske oblystyq mádenıet, tіlderdі damytý jáne arhıv іsі basqarmasynyń qyzmetkerlerі onlaın rejіmde qosyldy. Úkіm zańdy kúshіne engen joq.