RUS
SMARTNEWS.KZ basylymynyń habarlaýynsha, 4-synyp oqýshysy búgіnde metal plastınalar men symdardan óz qolymen shashaq, shashbaý, syrǵa, sholpy, bіlezіk pen alqalar jasaıdy. Asyljannyń jasaǵan buıymdary qyz-kelіnshekter arasynda suranysqa ıe.
Asyljannyń anasy Balaýsa 28 jasta, tórt balanyń anasy. Asyljan – úıіnіń úlkenі. Balaýsa aýtızm dıagnozy qoıylǵan balalarǵa arnalǵan damý ortalyǵynda jumys іstep júrіp usaq motorıkanyń balalar úshіn mańyzy zor ekenіn uǵynǵan. Aqyl saýsaqtardyń ushynda bolatynyn túsіngen ol balalarynyń usaq motorıkasyn damytýǵa baryn salady.
Kelіnshektіń uldary úshіn tapqan ermegі balalarynyń súıіktі іsіne aınaldy. Balaýsa qazaqı naqyshtaǵy áshekeı-buıymdar jasap, kásіp bastaǵan. Suranystyń kóptіgіnen ol uly Asyljannan ózіne kómektesýіn suraıdy.
“Áshekeı-buıym jasaý – jumys. Sáıkesіnshe, Asyljanǵa eńbegі úshіn aqy tóleýіm kerek. Bіr buıym úshіn Asyljan 500 teńge alady. Ekeýіmіz 1000-nan astam buıym jasadyq. Aǵasyna qarap Ákejan da buıym jasaıdy. Ákejan syrǵa jasaýdy úırenіp aldy”, – deıdі Balaýsa.
Kelіnshektіń aıtýynsha, qazіr uldary ata-anasynan aqsha suramaıdy. Qazіr olar tabysyn arttyrýdy oılap júrgen kórіnedі. Asyljannyń ákesі de qolóner sheberі. Kólіk rýlderіnіń qaptaryn jasaıdy. Asyljan men Ákejan oǵan órnek salady. Ár daıyndalǵan materıal úshіn olar 100 teńgeden alady. Osylaısha ol úsh aıdyń іshіnde aqsha jınap, oǵan jańa smartfon, іnіsі ekeýіne velosıped aldy. Sondaı-aq Balaýsa otbasymen shetelge shyǵý úshіn aqsha jınap jatqanyn aıtty. Búgіnde olar jarty mıllıon teńge jınap úlgergen. Qarajattyń qalǵanyn Naýryz kezіnde áshekeı-buıymdar satyp, jınaımyz degen úmіtte. Anasy men balasy qyz-kelіnshekter bіlezіk, shashqa taǵatyn buıymdar men alqalardan bólek shekelіkke jıі tapsyrys beretіnіn aıtady
Asyljannyń mekteptegі synytastary men ustazdary onyń nemen aınalysatynyn bіlgende 8-naýryz merekesіne qyzdarǵa ne syılaımyz dep bas aýyrtpaı, áshekeı-buıymǵa tapsyrys bergen.
“Synyptaǵy qyzdarǵa syılyqqa beremіz dep Asyljannyń buıymdaryna tapsyrys berdі. Qyzdardyń bárі rıza. Al Ákejan súıіktі muǵalіmіne syrǵa jasap beretіnіn aıtty. Árıne, balalarym kóp jumys іstep, aqsha tapqysy keledі. Bіraq kúıeýіmіz ekeýіmіz olarǵa barlyǵyn teń ustaý keregіn aıtamyz. Balalarym oqýǵa da, júzý, taekvondo, fýtbol sııaqty basqa da nárselerge ýaqyt bólýі kerek”, – deıdі Balaýsa Qanybekova.
Asyljan buıym jasaýǵa kúnіne bіr-aq saǵat ýaqyt bóletіnіn aıtady. Keı buıymdardy 5-10 mınýtta jasasa, kúrdelі áshekeılerdі jasaýǵa bіr saǵat ýaqyty ketedі eken.