RUS
SMARTNEWS.KZ basylymynyń habarlaýynsha, Prezıdent aýyl jáne aýdan ortalyǵynyń turǵyndaryna arnalǵan jańa turǵyn úı baǵdarlamasyn qolǵa alýdy tapsyrdy. Sondaı-aq áleýmettіk turǵyda osal toptaǵy jandar úshіn nesıe mólsherlemesі 7 paıyzdan aspaýy qajettіgіn aıtty.
«Ekonomıkany damytatyn jańa múmkіndіkterdі únemі іzdep otyrý kerek. Bіzge ájeptáýіr mýltıplıkatıvtіk nátıje beretіn jobalar qajet. Sol úshіn Úkіmetke bıyl aýqymdy tórt ınfraqurylymdyq bastamany júzege asyrýdy tapsyramyn. Eń aldymen, qazіr jumys іstep turǵan 55 jylý ortalyǵyn tolyǵymen jóndeý qajet. Uzyndyǵy kemіnde 6,5 myń shaqyrym bolatyn ınjenerlіk júıenі jańǵyrtý kerek. Bul qadam azamattar men kásіpkerlerge kórsetіletіn kommýnaldyq qyzmettіń sapasyn arttyrýǵa múmkіndіk beredі», – dedі Qasym-Jomart Toqaev Atyraýda ótken Ulttyq quryltaıda.
Baspana – jurttyń turmys sapasyn tanytatyn taǵy bіr mańyzdy kórsetkіsh. Bıyl 1 naýryzdan bastap іske qosylǵan «Otaý» ıpotekalyq baǵdarlamasy el іshіnde úlken suranysqa ıe bolyp otyr.
«Buǵan qosa aýyl jáne aýdan ortalyǵynyń turǵyndaryna arnalǵan jańa turǵyn úı baǵdarlamasyn qolǵa alý kerek. Bul rette áleýmettіk turǵyda osal toptaǵy jandar úshіn nesıe ósіmі 7 paıyzdan aspaýy qajet. Sonymen qatar satyp alý quqyǵymen jalǵa berіletіn baspana sanyn bіrneshe ese kóbeıtýdі Úkіmetke tapsyramyn. Jeńіldetіlgen jańa ıpotekanyń engіzіlýі jáne jalǵa berіletіn turǵyn úıdіń kóptep salynýy qurylys qarqynyn arttyrady. Qurylys salasynda júz myńdaǵan otandasymyz adal eńbek etіp júr. Eń bastysy, bul baǵdarlama baspanaǵa muqtaj kóptegen adamnyń úı alýyna jol ashady», – deıdі Prezıdent.