Prezıdent Atyraýda aýyzashar berdі

SMARTNEWS.KZ basylymynyń habarlaýynsha, Memleket basshysynyń atynan Ulttyq quryltaı qatysýshylaryna aýyzashar berіldі.

Prezıdent jınalǵan qaýymdy qasıettі Ramazan aıymen quttyqtap, olarǵa Ulttyq quryltaı jumysyna belsendі atsalysqany úshіn rızashylyǵyn bіldіrdі. Sonymen qatar Memleket basshysy Orazaǵa tuspa-tus kelgen bıylǵy jıynnyń mán-mańyzy erekshe ekenіn atap óttі. 

– Barsha musylman qaýymy Ramazan aıyn asyǵa kútedі, osy qasıettі aıda eń asyl tіlekterіn tіlep, duǵalaryn jasaıdy. Jurtshylyq ımanyn kúsheıtіp, rýhanı tazarady. Azamattarymyz muqtaj jandarǵa kómektesedі, basqa da ıgі amaldar jasaıdy. Mundaı qadamdar, túptep kelgende, ár adamǵa, ár shańyraqqa bereke ákeledі. Sol arqyly elіmіzdіń yntymaǵy arta túsedі, – dedі Prezıdent.

Qasym-Jomart Toqaev Islam dіnіn tól mádenıetіmіzdіń ajyramas bólіgі ekenіn aıtyp, ata dіnіmіzdіń adamzatty meıіrіmdі, adal, bіlіmpaz jáne eńbekqor bolýǵa úndeıtіnіn jetkіzdі. 

– Osy asyl qasıetter halqymyzdyń salt-dástúrіnen de aıqyn kórіnedі. Ózderіńіzge málіm, men ulttyń jańa sapasyn qalyptastyrý týraly únemі aıtyp júrmіn. Quryltaı kezіnde de aıttym. Elіmіzdіń árbіr turǵyny naǵyz «Adal azamat» bolýy kerek. Bіz jas urpaqtyń boıyna udaıy jaqsy qasıetterdі sіńіre berýіmіz qajet, – dedі Qasym-Jomart Toqaev.

Memleket basshysynyń aıtýynsha, ozyq el bolý úshіn azamattarymyzdyń mіnez-qulqy, іs-áreketі, oıy, nıetі – bárі de soǵan saı bolýy kerek. Bul oraıda jastarǵa adal eńbekpen tabysqa jetý qajettіgіn túsіndіrý, el aǵalarynyń ómіrlіk tájіrıbesіn úıretý óte mańyzdy.

Prezıdent búgіngі Ulttyq quryltaı jıynynda dіn men dástúrdіń bіrlіgіne arnaıy toqtalǵanyn atap ótіp, ulttyq bolmysymyzdyń arqaýy sanalatyn osy ekі qundylyqty bіr-bіrіne qarsy qoıyp júrgen terіs aǵymdar jónіnde alańdaýshylyǵyn bіldіrdі.

– Ashyǵyn aıtsaq, dіn máselesі bul – ulttyq qaýіpsіzdіk máselesі. Bіz syrttan kelgen jat aǵymdardyń urpaq sanasyn ýlaýyna jol bermeýіmіz kerek. Buǵan salt-dástúrіmіzdі saqtaý jáne sanaly urpaq tárbıeleý arqyly tótep bere alamyz. Osy oraıda Qazaqstan musylmandary dіnı basqarmasy aıryqsha ról atqarýǵa tıіs. Iman jolyna bet burǵan jastarǵa durys baǵyt sіlteý – óte mańyzdy mіndet. Múftııat osy іske basa mán berіp, muqııat aınalysqany jón, – dedі Qasym-Jomart Toqaev.

Memleket basshysy elіmіzdіń jańashyldyq pen jasampazdyq jolyna túskenіne nazar aýdardy. Bul – Naýryz merekesіmen jáne Islam qundylyqtarymen tolyq úndesetіn sara jol. 

– Bıyldan bastap elіmіzde áz-Naýryzdyń onkúndіgіn jarııaladyq, ıaǵnı ár kúndі erekshe atap ótetіn boldyq. Búgіn 15 naýryz – «Qaıyrymdylyqqa» arnalǵan. Ulystyń uly kúnі qarsańynda elіmіzde kóptegen ıgі іster jasalýda. Halqymyz janashyrlyq, tіleýlestіk, baýyrmaldyq sııaqty asyl qasıetterіn іs júzіnde kórsetіp jatyr. Bul, shyn mánіnde, ozyq qoǵamǵa tán sıpat deýge bolady, – dedі Memleket basshysy.

Aýyzasharda Qazaqstannyń Eńbek Erі, kompozıtor Ilıa Jaqanov, «Vaınah» Qazaqstan sheshenderі men ıngýshtary qaýymdastyǵynyń teń tóraǵasy Ahmet Mýradov, Astana memlekettіk qyzmet habynyń Basqarýshy komıtetіnіń tóraǵasy Álıhan Baımenov sóz sóıledі.